ரூ.1,148 கோடி வசூல் செய்த பிளாக்பஸ்டர் படத்தை ரிஜெக்ட் பண்ண சமந்தா! ஏன் தெரியுமா?

தென்னிந்தியாவில் அதிகம் சம்பளம் வாங்கும் நடிகைகளில் நடிகை சமந்தாவும் ஒருவர். தமிழ், தெலுங்கு இரண்டு மொழிகளிலும் வெற்றிகரமான நடிகையாக சமந்தா வலம் வருகிறார். விண்ணை தாண்டி வருவாயா படத்தின் மூலம் ஹீரோயினாக அறிமுகமான அவர் தொடர்ந்து தமிழ், தெலுங்கில் பிசியான நடிகையாக மாறினார்.

நான் ஈ, கத்தி, தெறி, மெர்சல், நீதானே என் வசந்தம், இரும்புத்திரை பல ஹிட் படங்களில் நடித்த சமந்தா தெலுங்கிலும் பல ஹிட் படங்களில் நடித்துள்ளார். ஈகா, ரங்கஸ்தலம், ஜனதா கேரேஜ், மனம் போன்ற படங்களை உதாரணமாக சொல்லலாம். சமந்தா நடிப்பில் கடைசியாக குஷி படம் வெளியானது. எனினும் இந்த படம் கலவையான விமர்சனங்களையே பெற்றது.

மேலும் சமந்தாவின் ஹனி பனி சிட்டாடல் வெப் சீரிஸ் கடந்த 6-ம் தேதி வெளியானது. இந்த வெப் சீரிஸுக்கும் கலவையான விமர்சனங்களே கிடைத்தது.

ராஜ் & டிகே இயக்கி உள்ள இந்த வெப் சீரிஸ் ரிச்சர்ட் மேடன் மற்றும் பிரியங்கா சோப்ரா நடித்துள்ள ரூசோ பிரதர்ஸ் இயக்கத்தில் வெளியான சிட்டாடல் வெப் சீரிஸின் இந்திய பதிப்பாகும். ஸ்பை ஆக்ஷன் வெப் சீரிஸ் நவம்பர் 6, 2024 அன்று அமேசான் பிரைம் வீடியோவில் வெளியிடப்பட்டது.

ஆனால் நடிகை சமந்தா ஒரு பிளாக்பஸ்டர் ஹிட் படத்தை நிராகரித்தார் என்பது உங்களுக்குத் தெரியுமா? ஆம். உண்மை தான். தமிழ் சினிமாவின் வெற்றிகரமான இயக்குனராக வலம் வந்த அட்லீ பாலிவுட்டில் இயக்குனராக அறிமுகமான படம் ஜவான். இந்த படத்தில் ஷாருக்கானுக்கு ஜோடியாக நடிக்க வைக்க முதலில் சமந்தாவை தான் அட்லீ அணுகினாராம். ஆனால், சில தனிப்பட்ட காரணங்களால் சமந்தா அந்த படத்தை நிராகரித்து விட்டார் என்று கூறப்படுகிறது.

அதன்பின்னர் ஜவான் படத்தில் நயன்தாரா நடித்தார். ஆக்‌ஷன் த்ரில்லர் படமாக உருவான இந்த படத்தின் மூலம் நயன்தாரா பாலிவுட்டில் அறிமுகமானார். ஜவான் படம் மிகப்பெரிய பிளாக்பஸ்டராக மாறியது., பாக்ஸ் ஆபிஸில் ரூ. 1,148 கோடி வசூல் செய்தது. 2023-ம் ஆண்டின் அதிக வசூல் செய்த இந்திய படங்களில் ஒன்றாகவும் ஜவான் மாறியது.

எனினும் அட்லீயின் தெறி, மெர்சல் ஆகிய படங்களில் சமந்தா நடித்திருந்தார். இந்த இரு படங்களில் பாக்ஸ் ஆபீஸில் வெற்றி படங்களாக அமைந்தன என்பது குறிப்பிடத்தக்கது.