மகன் கௌஷிக் பிறந்தநாளை பிரமாண்டமாக கொண்டாடிய ரோஜா! வைரலாகும் போட்டோஸ்.!
நடிகையும், அரசியல்வாதியுமான ரோஜாவின் மகன் கௌஷிக் இன்று தன்னுடைய 17 ஆவது பிறந்தநாளை கொண்டாடி வரும் நிலையில், இதுகுறித்த புகைப்படங்கள் சிலவற்றை ரோஜா, சமூக வலைத்தளத்தில் வெளியிட ரசிகர்கள் தங்களின் வாழ்த்துக்களை தெரிவித்து வருகிறார்கள்.
Followநடிகை ரோஜா, இயக்குநர் ஆர்.கே.செல்வமணி இயக்கிய 'செம்பருத்தி' படத்தில் அறிமுகமானார். இந்த படத்தில் ரசிகர்களால் ஆண் அழகன் என அழைக்கப்படும் பிரஷாந்த் ஹீரோவாக நடித்திருந்தார். இந்த படம் சூப்பர் ஹிட் வெற்றி பெற்றது. மேலும் தன்னுடைய முதல் பட இயக்குனரான செல்வமணியை காதலிக்க துவங்கினார் ரோஜா. இவர்களின் காதல் கிசுகிசு ஒருபக்கம் புகைந்து கொண்டிருந்தாலும், இருவரும் தொடர்ந்து தங்களுடைய சினிமா கேரியரில் முழு கவனத்தையும் செலுத்தினர்.
இந்த படத்தின் வெற்றிக்கு பின்னர் தமிழில், ரஜினி, கார்த்தி, பிரபு தேவா, விஜயகாந்த், சரத்குமார், அஜித் உள்ளிட்ட பல முன்னணி நடிகர்களுக்கு ஜோடியாக நடித்து, 90-களில் முன்னணி நடிகையாக மாறினார் ரோஜா.
Captain Miller:'கேப்டன் மில்லர்' ஃபர்ஸ்ட் லுக் ரிலீஸ் தேதியை அறிவித்த படக்குழு!
இதை தொடர்ந்து தன்னுடைய காதலரான செல்வமணியை 2002 ஆம் ஆண்டு திருமணம் செய்து கொண்டார். திருமணம் ஆகியும், திரைப்படங்கள் மற்றும் சின்னத்திரை நிகழ்ச்சியில் ஆர்வம் காட்டினார். திரையுலகை தாண்டி, ஒய்எஸ்ஆர் காங்கிரஸ் கட்சியில் இணைந்து தீவிர அரசியலில் ஈடுபட்டு வரும் ரோஜா, ஆந்திர மாநிலம் நகரி தொகுதி எம்.எல்.ஏ.வாக பதவி வகித்து வருகிறார். தற்போது சுற்றுலா, கலாச்சாரம் மற்றும் இளைஞர் நலன்துறை அமைச்சராக இருந்து வருகிறார்.
தீவிர அரசியலில் கவனம் செலுத்தி வருவதால், திரைப்படங்களில் இருந்து ஒதுங்கியே உள்ளார் ரோஜா. அதே போல் எவ்வளவு பிசியாக இருந்தாலும், குடும்ப விசேஷங்களில் பங்கேற்பதையும் அவர் தவிர்ப்பது இல்லை. ரோஜாவுக்கு அன்ஷு மாலிகா என்கிற மகளும், கௌஷிக் என்கிற மகளும் உள்ள நிலையில், இன்று கௌஷிக் தன்னுடைய 17 ஆவது பிறந்தநாளை கொண்டாடியுள்ளார்.
மகனின் பிறந்தநாளை செம்ம கிராண்டாக ரோஜா தன்னுடைய வீட்டில் செலிபிரேட் செய்துள்ளார். இது குறித்த புகைப்படங்கள் தற்போது சமூக வலைத்தளத்தில் வைரலாகி வருவது ஒருபுறம் இருக்க, பலர் தங்களின் வாழ்த்துக்களையும் தெரிவித்து வருகிறார்கள் என்பது குறிப்பிடத்தக்கது.
சேனலை கிளிக் செய்து பின்தொடரவும்
