காற்று நுழைய முடியாத அளவிற்கு நெருக்கும் - வருங்கால கணவரோடு மெஹந்தியை கொண்டாடிய மேகா!
Megha Akash : பிரபல நடிகை மேகா ஆகாஷிற்கு விரைவில் திருமணம் நடக்க உள்ள நிலையில், தற்போது அவருக்கு மெஹந்தி சடங்கு நடைபெற்று முடிந்துள்ளது.
)
FollowActress Megha
சென்னையில் பிறந்து, இங்கேயே தனது கல்லூரி படிப்பை முடித்த நடிகை தான் மேகா ஆகாஷ். கடந்த 1995ம் ஆண்டு பிறந்த இவருக்கு வயது 28. கடந்த 2017ம் ஆண்டு தெலுங்கு மொழியில் வெளியான "லை" என்கின்ற திரைப்படத்தின் மூலம் தான் இவர் கலை உலகில் அறிமுகமானார். ஒரு சில திரைப்படங்கள் தெலுங்கு மொழியில் நடித்திருந்த நிலையில், அவருக்கு தமிழில் கிடைத்த மிகப்பெரிய வாய்ப்பு தான் கடந்த 2019ம் ஆண்டு சூப்பர் ஸ்டார் ரஜினிகாந்த் நடிப்பில் வெளியான பேட்ட திரைப்படம்.
)
Actress Megha Akash
அதைத்தொடர்ந்து தமிழில் சிம்புவின் "வந்தா ராஜாவா தான் வருவேன்" மற்றும் "பூமராங்" போன்ற படங்களில் நடித்த மேகா ஆகாஷ், உடனடியாக கோலிவுட்டில் இருந்து பாலிவுட் உலகிற்கு இடம்பெயர்ந்தார். ஆனால் அங்கு பெரிய அளவில் வரவேற்பு கிடைக்காததால், மீண்டும் தமிழ் மொழிக்கே திரும்பினார். இப்போது தமிழ் மற்றும் தெலுங்கு ஆகிய இரண்டு மொழிகளில் தான் அதிக அளவிலான திரைப்படங்களில் அவர் தொடர்ச்சியாக நடித்து வருகிறார்.
Actress Megha Akash
கடந்த ஆகஸ்ட் மாதம் 22ம் தேதி பிரபல நடிகை மேகா ஆகாஷ், தனது நீண்ட நாள் காதலரான சாய் விஷ்ணுவை திருமணம் செய்து கொள்ள உள்ளதாக அறிவித்தார். மேலும் குடும்ப உறுப்பினர்கள் மட்டுமே பங்கேற்ற ஒரு நிகழ்வில் இந்த ஜோடிக்கு நிச்சயதார்த்த நிகழ்வு நடந்து முடிந்தது. திருமணத்திற்கு பிறகும் தொடர்ச்சியாக மேகா ஆகாஷ் திரைப்படங்களில் நடிப்பார் என்று எதிர்பார்க்கப்படுகிறது. இறுதியாக தமிழில் இந்த ஆண்டு வெளியான "மழை பிடிக்காத மனிதன்" என்கின்ற திரைப்படத்தில் அவர் நடித்திருந்தார்.
Mehendi Function
இப்போது விறுவிறுப்பாக தனது காதல் கணவனோடு இணைந்து தனது திருமணத்திற்கு தயாராகி வரும் நடிகை மேகா ஆகாஷ், அவருக்கு நடந்த மெஹந்தி சடங்கில் எடுக்கப்பட்ட புகைப்படங்களை தற்பொழுது தனது சமூக வலைதள பக்கங்களில் வெளியிட்டிருக்கிறார். அவருடைய ரசிகர்கள் மேகாவிற்கு தங்களுடைய வாழ்த்துக்களை தொடர்ச்சியாக தெரிவித்து வருகின்றனர்.
சேனலை கிளிக் செய்து பின்தொடரவும்
