Meena: 2 மணி நேரத்துக்கு 13 லட்சம் பேரம் பேசிய மீனா.. டாப் சீக்ரெட்டை போட்டுடைத்த பிரபலம்!

நிகழ்ச்சி ஒன்றில் கலந்து கொள்வதற்காக, நடிகை மீனா 2 மணி நேரத்திற்கு 13 லட்சம் சம்பளமாக வாங்கியதாக நடிகரும், பத்திரிக்கையாருமான பயில்வார் ரங்கநாதன் தெரிவித்துள்ளார். 

தமிழ் சினிமாவில், குழந்தை நட்சத்திரமாக அறிமுகமாகி பின்னர் ரசிகர்களின் மனம் கவர்ந்த கதாநாயகியாக, வலவந்தவர் நடிகை மீனா. தமிழ், தெலுங்கு, மலையாளம், கன்னடம் போன்ற தென்னிந்திய மொழிகளில் டாப் நடிகர்களுக்கு ஜோடியாக நடித்துள்ளார்.

குறிப்பாக தமிழில் சூப்பர் ஸ்டார் ரஜினிகாந்துக்கு ஜோடியாக, எஜமான், முத்து , வீரா, போன்ற படங்களில் நடித்துள்ளார். அதே போல் கமல்ஹாசனுக்கு ஜோடியாக, அவ்வை ஷண்முகி, தெனாலி போன்ற படங்களில்  நடித்துள்ளார். அஜித்துடன் வில்லன் படத்தில் இணைந்து நடித்துள்ள மீனா, விஜய்க்கு ஜோடியாக நடிக்கவில்லை என்றாலும், ஷாஜகான் படத்தில் ஒரு ஒரு பாடலுக்கு ஆட்டம் போட்டுள்ளார்.

இவர்களை தொடர்ந்து, அர்ஜுன், சரத்குமார், விஜயகாந்த், கார்த்தி, முரளி, மோகன் லால், மம்மூட்டி போன்ற பிரபலங்களுக்கு ஜோடியாகவும் நடித்துள்ளார். பட வாய்ப்புகள் குறைய தொடங்கிய பின்னர், சீரியலிலும் கதாநாயகியாக நடித்த மீனா.. பின்னர் வித்யாசாகர் என்பவரை கடந்த 2009 ஆம் ஆண்டு திருமணம் செய்து கொண்டார்.

இவர்களுக்கு அழகிய மகள் ஒருவர் உள்ளநிலையில், அம்மாவைப் போல் மீனாவின் மகள் நைனிகாவும் சில திரைப்படங்களில் குழந்தை நட்சத்திரமாக திரையுலகில் அறிமுகமாகி ஒரு சில படங்களில் நடித்தார். தற்போது படிப்பில் முழு கவனத்தையும் செலுத்தி வருகிறார். 

இந்நிலையில் மீனாவின் கணவர் வித்யாசாகர், கடந்தாண்டு நுரையீரல் தொற்றால் பாதிக்கப்பட்டு மருத்துவமனையில் சிகிச்சை பெற்றுவந்த நிலையில், சிகிச்சை பலனின்றி உயிரிழந்தார். கணவர் மறைவுக்கு பின்னர், மன உளைச்சலுக்கு ஆளான நடிகை மீனா... வீட்டை விட்டு வெளியே வராமல் இருந்த நிலையில், இவரின் தோழிகள் தான் இவருடைய மனதில் மாற்றி மீண்டும் சகஜ நிலைக்கு கொண்டு வந்தனர்.

இதைத்தொடர்ந்து நடிகை மீனா திரையுலகில் காலடி எடுத்து வைத்த 40 ஆண்டுகள் ஆனதை முன்னிட்டு, பிரபல தனியா youtube சேனல் ஒன்று 'மீனா 40' என்ற பெயரில் பாராட்டு விழா ஒன்றை ஏற்பாடு செய்தது. இதில் ரஜினிகாந்த், பிரபுதேவா, ராஜ்கிரண், ரோஜா, குஷ்பூ, ராதிகா, சுஹாசினி போன்ற பல பிரபலங்கள் கலந்து கொண்டு மீனாவை வாழ்த்தினர்.

இந்த நிகழ்ச்சி குறித்து முதலில் மீனாவிடம் அந்த யூடியூ ப்  சேனல் அணுகியபோது, தன்னால் இந்த நிகழ்ச்சிக்கும் வர முடியாது என மீனா மறுத்ததாகவும், பின்னர் இரவு 8 மணியில் இருந்து, 10 மணி வரை அதாவது இரண்டு மணி நேரம் மட்டுமே நிகழ்ச்சியில் கலந்து கொள்வேன் என கூறினாராம். இதற்க்கு பேரம் பேசி 13 லட்சம் ரூபாய் சம்பளமாக மீனா பெற்றுக்கொண்டதாக பயில்வான் ரங்கநாதன் கூறியுள்ளார்.

Meena

மேலும் ரஜினிகாந்த்,  இந்த நிகழ்ச்சிக்கு வந்தால்... இந்நிகழ்ச்சியின் ரீச் நன்றாக இருக்கும் என அறிந்து மீனாவை வைத்தே ரஜினிக்கு அழைப்பு விடுக்க கூறியுள்ளது. இந்த தகவலை தொடர்ந்து ரசிகர்கள் மீனா தன்னுடைய பாராட்டு விழாவுக்கே... 13 லட்சம் பேரம் பேசினாரா? என அதிர்ச்சி கேள்விகளை எழுப்பி வருகிறார்கள்.