பிளாஸ்டிக் சர்ஜரி செஞ்சிங்களானு கேட்ட பெண்... தரமான பதிலடி கொடுத்த குஷ்பு - என்ன சொன்னாங்க தெரியுமா?

தமிழ் சினிமாவில் முன்னணி நடிகையாக வலம் வந்தவர் குஷ்பு. இவர் தற்போது அரசியலிலும் தீவிரமாக ஈடுபட்டு வருகிறார். குண்டாக இருந்த குஷ்பு, கடந்த ஆண்டு ஸ்லிம்மான தோற்றத்துக்கு மாறினார். அவர் உடல் எடையை குறைத்ததைப் பார்த்து பலரும் ஆச்சர்யப்பட்டனர். அவரிடம் எப்படி குறைத்தீர்கள் என்றெல்லாம் தொடர்ந்து கேட்டு வந்தனர்.

இதற்கு பதிலளித்த குஷ்பு, தான் தினமும் வாக்கிங் சென்றதாகவும், அதன் மூலமே உடல் எடையை குறைத்ததாகவும் கூறினார். உடல் எடையை குறைத்த பின்னர் நடிகை குஷ்பு, விதவிதமான ஆடைகளில் புகைப்படங்கள் எடுத்து அதனை தனது டுவிட்டர் மற்றும் இன்ஸ்டாகிராம் பக்கங்களில் பதிவிடுவதை வழக்கமாக வைத்துள்ளார்.

இதையும் படியுங்கள்... பாலிவுட்டில் பிசியான விஜய் சேதுபதி... கத்ரீனா கைஃப் உடன் காத்துவாக்குல காதல் செய்யும் போட்டோஸ் வைரல்

அவ்வாறு அவர் பதிவிடும் புகைப்படங்களை பார்க்கும் நெட்டிசன்கள் தினந்தோறும் உங்களின் வயது குறைந்துகொண்டே செல்வதாக கமெண்ட் செய்து வருகின்றனர். ஏராளமான பாசிடிவ் கமெண்ட்டுகள் வந்தாலும், அவரின் புகைப்படங்களுக்கு ஒரு சில நெகடிவ் கமெண்ட்களும் வந்துகொண்டுதான் இருக்கின்றன. அதற்கு குஷ்புவும் பதிலடி கொடுத்து வருகிறார்.

அந்த வகையில் சமீபத்தில் கோல்டன் நிறத்தில் இருக்கும் மாடர்ன் உடை ஒன்றை அணிந்து அவர் போட்டோ போட்டிருந்தார். இதைப்பார்த்த பெண் ஒருவர், அழகாகத்தான் இருக்கிறீர்கள். ஆனால் ஏன் பிளாஸ்டிக் சர்ஜரி மற்றும் தோல் திருத்தங்களை செய்ய வேண்டும்? உங்களுடைய நல்ல தோற்றத்துடனே நீங்கள் வயதாகலாம் என பதிவிட்டிருந்தார்.

இதற்கு பதிலடி கொடுத்த குஷ்பு, “நீங்க தான் அதுக்கு காசு கொடுத்தீங்களா மை டியர்? மத்தவங்கள துன்புறுத்தி கிடைக்கும் சந்தோஷத்தில் உங்களுக்கு என்ன கிடைக்குதுனு தெரியல. உன்னை நினைச்சா அவமானமா இருக்கு” என தரமான பதிலடி கொடுத்துள்ளார் குஷ்பு. அவரின் இந்த பதிவுக்கு லைக்குகள் குவிந்து வருகின்றன.

இதையும் படியுங்கள்...  படமாகிறது சரவண பவன் ராஜகோபால் - ஜீவஜோதி கதை... பல திருப்பங்களுடன் 18 வருடம் நீடித்த வழக்கின் முழு விவரம்