ஸ்லீவ் லெஸ் ஜாக்கெட்டில்.. மஞ்சள் நிற பட்டு புடவையில் பொங்கல் பிரபல ஹீரோயினுடன் பொங்கல் வைத்த கீர்த்தி சுரேஷ்!

நடிகை கீர்த்தி சுரேஷ், இந்த வருட பொங்கல் பண்டிகையை... குடும்பத்தினர் மற்றும் தோழிகளுடன் இணைந்து, மஞ்சள் நிற பட்டு புடவையில், மங்களகரமாக பட்டு புடவை கட்டி கொண்டாடியுள்ளார். இது குறித்த புகைப்படங்கள், தற்போது சமூக வலைத்தளத்தில் வைரலாகி வருகிறது.

குழந்தை நட்சத்திரமாக திரையுலகில் அறிமுகமாகும் அனைவருமே, முன்னணி ஹீரோயினாக திரையுலகில் ஜெயித்து விடுவதில்லை. ஆனால் அப்படிப்பட்ட ஒரு அதிர்ஷ்டத்தை பெற்றவர் நடிகை கீர்த்தி சுரேஷ்.

மலையாள திரை உலகில், குழந்தை நட்சத்திரமாக அறிமுகமான இவர் தமிழில்... 'இது என்ன மாயம்' எங்கிற  படத்தில் நடிகர் விக்ரம் பிரபுவுக்கு ஜோடியாக நடித்தார்.  இவருடைய முதல் படம் தோல்வியை சந்தித்தாலும், இரண்டாவதாக, நடிகர் சிவகார்த்திகேயனுக்கு ஜோடியாக நடித்த 'ரஜினி முருகன்' திரைப்படம் சூப்பர் ஹிட் வெற்றி பெற்றது.

இதைத்தொடர்ந்து தனுஷுக்கு ஜோடியாக 'தொடரி', சூர்யா ஜோடியாக 'தானா சேர்ந்த கூட்டம்' விஜய்க்கு ஜோடியாக 'பைரவா' , 'சர்கார்'  என முன்னணி நடிகர்களுக்கு ஜோடி போட்ட கீர்த்தி சுரேஷ், ஆரம்பத்தில் சில தோல்வி படங்களை கொடுத்தாலும்... இவர் கதையின் நாயகியாக நடித்த 'மகாநடி' திரைப்படம் இமாலய வெற்றியை பெற்றது.

'மகாநடி' படத்திற்காக தேசிய விருதையும் வாங்கிய கீர்த்தி சுரேஷ், இப்படத்தின் வெற்றிக்கு பின்னர் தொடர்ந்து முன்னணி நடிகர்களுக்கு ஜோடியாக நடிக்கும் படங்களை விட, கதாநாயகிக்கு முக்கியத்துவம் கொடுக்கும் படங்களையே அதிகம் தேர்வு செய்து நடித்து வருவதை வழக்கமாக வைத்துள்ளார்.

தமிழ், தெலுங்கு, மலையாளம், போன்ற மூன்று மொழிகளிலும் பிஸியாக நடித்து வரும் கீர்த்தி சுரேஷின் கைவசம் தற்போது பல படங்கள் உள்ளன. குறிப்பாக தமிழில் இயக்குனர் மாரி செல்வராஜ் இயக்கத்தில், உதயநிதி ஸ்டாலினுக்கு ஜோடியாக நடித்து வரும் 'மாமன்னன்', ஜெயம் ரவியுடன் 'சைரன்' ஆகிய தமிழ் படங்களில் நடித்து வருகிறார்.

இது தவிர 'ரகு தாத்தா' மற்றும் 'ரிவால்வர் ரீட்டா' போன்ற படங்களில் கதாநாயகிக்கு முக்கியத்துவம் உள்ள கதாபாத்திரத்தில் நடித்து வருகிறார். தெலுங்கிலும் படு பிஸியாக நடித்து வரும் கீர்த்தி சுரேஷின் கைவசம் இரண்டு படங்கள் உள்ளன. அதில்' போலா ஷங்கர்' திரைப்படத்தில் சிரஞ்சீவிக்க தங்கையாகவும், தசரா எனும் படத்தில் நானிக்கு ஜோடியாகவும் மிகவும் வித்தியாசமான கதைக்களத்தில் நடித்து வருகிறார்.

தென்னிந்திய திரை உலகில் மிகவும் பிசியான நடிகையாக வலம் வரும் கீர்த்தி சுரேஷ், தன்னுடைய குடும்பத்தினர் மற்றும் நண்பர்களுடன், இந்த வருட பொங்கலை மிகவும் பிரமாண்டமாக கொண்டாடியுள்ளார்.

மஞ்சள் நிற பட்டுப் புடவையில், ஸ்லீவ் லெஸ் அழகில், மண்பானையில் பொங்கல் வைத்து இந்த பொங்கலை வரவேற்றுள்ளார். இது குறித்த புகைப்படங்கள் தற்போது சமூக வலைதளத்தில் வெளியாகி உள்ளது குறிப்பாக கீர்த்தி சுரேஷின் இந்த பொங்கல் செலிப்ரேஷனில், சிவகார்த்திகேயனுடன் டாக்டர், டான், சூர்யாவுக்கு ஜோடியாக 'எதற்கும் துணிந்தவன்' போன்ற படங்களில் நடித்துள்ள பிரியங்கா மோகன் கலந்து கொண்டுள்ளார் என்பது குறிப்பிடத்தக்கது.