சூர்யாவின் உயிர், உலகமாக இருக்கும் நடிகை ஜோதிகா இத்தனை கோடி சொத்துக்கு சொந்தக்காரியா?

கோலிவுட் வாழ வைத்த வட இந்திய நடிகைகளில் ஜோதிகாவும் ஒருவர். மும்பையை பூர்விகமாக கொண்ட ஜோதிகா, சினிமா குடும்பத்தை சேர்ந்தவராக இருந்தாலும் அவர் கோலிவுட்டில் தன்னுடைய சொந்த உழைப்பால் சாதித்திருந்தார். எஸ்.ஜே.சூர்யா இயக்கிய வாலி படம் மூலம் கோலிவுட்டில் அறிமுகமானார் ஜோ.

முதல் படத்திலேயே தன்னுடைய துறுதுறு நடிப்பால் ரசிகர்களை ஈர்த்த ஜோதிகா, பின்னர் கோலிவுட்டின் பிசியான ஹீரோயினாக உருவெடுத்தார். இதையடுத்து சூர்யாவுக்கு ஜோடியாக பூவெல்லாம் கேட்டுப்பார், விஜய்யுடன் குஷி, விக்ரம் ஜோடியாக தூள் என அடுத்தடுத்து இவர் நடித்த படங்கள் ஹிட்டானதால் ஜோதிகாவுக்கு மவுசு அதிகரித்தது.

குறுகிய காலத்திலேயே நம்பர் 1 நடிகையாக உயர்ந்த ஜோதிகா உச்ச நடிகையாக இருந்தபோதே நடிகர் சூர்யா மீது காதல் வயப்பட்டார். இவர்களது காதலை அடுத்தக்கட்டத்துக்கு கொண்டு சென்ற படம் என்றால் அது காக்க காக்க தான். அப்படத்தில் நடித்தபோது இருவரும் காதலித்து வந்ததால் இவர்களின் கெமிஸ்ட்ரியும் வேறலெவலில் ஒர்க் அவுட் ஆனது. 

தொடர்ந்து சூர்யாவுக்கு ஜோடியாக மாயாவி, சில்லுனு ஒரு காதல் போன்ற படங்களில் நடித்த ஜோதிகா கடந்த 2006-ம் ஆண்டு சூர்யாவை திருமணம் செய்துகொண்டார். உச்ச நடிகையாக இருந்தபோதே சூர்யாவை திருமணம் செய்துகொண்ட ஜோதிகா, அதன்பின்னர் சினிமாவில் இருந்தும் விலகினார்.

திருமணத்துக்கு பின்னர் சூர்யா - ஜோதிகா ஜோடிக்கு தியா, தேவ் என இரண்டு குழந்தைகள் பிறந்தன. பிள்ளைகள் வளரும் வரை சினிமா பக்கம் தலைகாட்டாமல் இருந்த ஜோதிகா, இதையடுத்து 36 வயதினிலே படம் மூலம் தன்னுடைய இரண்டாவது இன்னிங்ஸை தொடங்கினார். தொடர்ந்து கதாநாயகிக்கு முக்கியத்துவம் உள்ள படங்களில் மட்டும் நடித்து வருகிறார் ஜோ.

இதையும் படியுங்கள்... சூர்யாவிடம் இருக்கும் கெட்ட பழக்கம்; இதனால வீட்ல டெய்லி சண்டை வரும் - ஜோதிகா சொன்ன சீக்ரெட்

முன்னணி நடிகர்களுக்கு ஜோடியாக நடிக்க வாய்ப்பு வந்தும் அதையெல்லாம் மறுத்துவிட்டார். காரணம் அந்த கேரக்டரில் தனக்கு பெரிதாக ஸ்கோப் இல்லை என்பதால் நோ சொல்லிவிட்டார். அப்படி அவர் நடிக்க மறுத்ததில் இரண்டு விஜய் படங்கள். ஒன்று அட்லீ இயக்கிய மெர்சல் மற்றொன்று வெங்கட் பிரபுவின் கோட்.

தற்போது தமிழ் மட்டுமின்றி மலையாளம், இந்தி என பல்வேறு மொழிகளில் பிசியாக நடித்து வருகிறார் ஜோ. குறிப்பாக இந்தியில் அதிகளவில் வாய்ப்புகள் வருவதால் தற்போது மும்பையில் செட்டில் ஆகிவிட்டார் ஜோதிகா. தற்போதைய நிலவரப்படி அவர் ஒரு படத்தில் நடிக்க ரூ.5 கோடி வரை சம்பளம் வாங்கி வருகிறார்.

இதுமட்டுமின்றி விளம்பரங்களிலும் நடிப்பதை வழக்கமாக வைத்துள்ள ஜோதிகா அதன் மூலம் ரூ.20 முதல் 30 கோடி வரை ஆண்டுக்கு சம்பாதித்து வருகிறாராம். இவர் நடிப்பில் மட்டுமின்றி பட தயாரிப்பிலும் கவனம் செலுத்தி வருகிறார். சூர்யாவுடன் சேர்ந்து 2டி என்கிற தயாரிப்பு நிறுவனத்தையும் நடத்தி வருகிறார் ஜோ.

இப்படி சினிமாவில் ஆல் ரவுண்டராக இருக்கும் ஜோதிகா இன்று தனது 46-வது பிறந்தநாளை கொண்டாடி வருகிறார். இதனால் அவருக்கு சமூக வலைதளங்களில் வாழ்த்து மழை பொழிந்த வண்ணம் இருக்கும் நிலையில், அவரின் சொத்து மதிப்பு பற்றி பார்க்கலாம். அதன்படி நடிகை ஜோதிகா ரூ.330 கோடி சொத்துக்கு சொந்தக்காரியாக இருக்கிறார். நடிகர் சூர்யாவை விட இவருக்கு தான் அதிக சொத்துக்கள் இருக்கிறது என்பது குறிப்பிடத்தக்கது.

இதையும் படியுங்கள்... 'பெருமைப்படுகிறேன் தியா' மகளின் திறமையை கண்டு மெய் சிலிர்க்கும் சூர்யா, ஜோதிகா ஜோடி