Anjali Nair marriage : ரகசியமாக இரண்டாவது திருமணம் செய்துகொண்ட ‘அண்ணாத்த’ பட நடிகை... உதவி இயக்குனரை மணந்தார்

சிவா - ரஜினிகாந்த் கூட்டணியில் கடந்தாண்டு வெளியான அண்ணாத்த படத்திலும் முக்கிய கதாபாத்திரத்தில் நடித்திருந்த நடிகை அஞ்சலி நாயர் (Anjali Nair), உதவி இயக்குனரை மணந்துள்ளார்.

மலையாள திரையுலகில் முன்னணி குணச்சித்திர நடிகையாக இருப்பவர் அஞ்சலி நாயர் (Anjali Nair). தமிழில் கடந்த 2010-ம் ஆண்டு வெளியான நெல்லு படம் மூலம் நடிகையாக அறிமுகமான இவர், இதையடுத்து கோட்டி, உன்னையே காதலிப்பேன் போன்ற படங்களில் நடித்தார். இந்த படங்கள் அவருக்கு எதிர்பார்த்த வெற்றியை கொடுக்காததால், மலையாள திரையுலகுக்கு சென்றார்.

அங்கு இவர் நடித்த படங்கள் தொடர்ந்து வெற்றியடைந்ததால் அடுத்தடுத்து இவருக்கு பட வாய்ப்புகளும் குவிந்தன. மம்முட்டி, மோகன்லால் போன்ற முன்னணி நடிகர்களுடன் நடித்து பிரபலமடைந்தார். குறிப்பாக ஜீத்து ஜோசப் இயக்கத்தில் கடந்தாண்டு வெளியாகி வெற்றிபெற்ற திரிஷ்யம் 2 (drishyam 2) படத்தில் போலீஸ் அதிகாரியாக திறம்பட நடித்து அசத்தி இருந்தார் அஞ்சலி நாயர்.

இதுதவிர சிவா - ரஜினிகாந்த் கூட்டணியில் கடந்தாண்டு வெளியான அண்ணாத்த (Annaatthe) படத்திலும் முக்கிய கதாபாத்திரத்தில் நடித்திருந்தார் அஞ்சலி நாயர். தற்போது தமிழில் இவர் கைவசம் மாமனிதன் (Mamanithan) படம் உள்ளது. சீனு ராமசாமி இயக்கத்தில் உருவாகி உள்ள இப்படத்தில் விஜய் சேதுபதி ஹீரோவாக நடித்துள்ளார். இப்படம் விரைவில் வெளியாக உள்ளது.

இவ்வாறு பிசியான நடிகையாக வலம் வரும் அஞ்சலி நாயர் (Anjali nair), கடந்த 2011-ம் ஆண்டு அனீஷ் என்ற இயக்குனரை திருமணம் செய்துகொண்டார். இவர்களுக்கு 5 வயதில் பெண் குழந்தையும் உள்ளது. 10 ஆண்டுகள் சேர்ந்து வாழ்ந்த இத்தம்பதி அண்மையில் விவாகரத்து பெற்று பிரிந்தனர்.

இந்நிலையில், நடிகை அஞ்சலி நாயர் (Anjali Nair), தற்போது அஜித் ராஜு (Ajith Raju) என்பவரை ரகசியமாக இரண்டாவது திருமணம் செய்துகொண்டார். இவர் சினிமாவில் உதவி இயக்குனராக பணியாற்றி வருகிறார். இத்தம்பதியின் திருமண புகைப்படம் சமூக வலைதளங்களில் வெளியாகி வைரலாகி வருகிறது.

இதையும் படியுங்கள்.... BB Ultimate : இனி இது ஒத்துவராது.... பிக்பாஸ் அல்டிமேட்டில் இருந்து திடீரென விலகிய கமல்? - காரணம் இதுதானாம்..!