எவ்வளவு வயசானாலும் அழகு மட்டும் குறையல.. வனிதாவின் அக்கா கவிதா விஜயகுமாரின் நியூ போட்டோஸ்..

நடிகர் விஜயகுமாரின் மூத்த மகள் கவிதா விஜயகுமாரின் லேட்டஸ்ட் புகைப்படங்கள் தற்போது இணையத்தில் வேகமாக பரவி வருகின்றன.

தமிழ் சினிமாவின் பழம்பெரும் நடிகர் விஜயகுமாருக்கு 2 மனைவிகள் என்பது அனைவருக்கும் தெரிந்ததே.  அவர் 1969-ம் ஆண்டு முத்துக்கண்ணு என்ற பெண்ணை திருமணம் செய்து கொண்டார். முத்துக்கண்ணு – விஜயகுமார் தம்பதிக்கு கவிதா விஜயகுமார், அனிதா விஜயகுமார், அருண் விஜய் என 3 பிள்ளைகள் உள்ளனர்.

விஜயகுமார் சக நடிகையான மஞ்சுளாவை 1976-ம் ஆண்டு திருமணம் செய்து கொண்டவர்கள். இவர்களுக்கு பிறந்தவர்கள் வனிதா விஜயகுமார், ப்ரீத்தா விஜயகுமார், ஸ்ரீதேவி ஆகியோர். இவர்கள் மூவரும் சில படங்களில் நடித்துள்ளனர் என்பது அனைவரும் அறிந்தது தான்.. 

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

அதே போல் விஜயகுமாரின் மூத்த மகளான கவிதா விஜயகுமார், சர்தகுமாரின் கூலி படத்தில் சரத்குமாரின் தங்கையாக நடித்திருப்பார். அதை தொடர்ந்து அவருக்கு பல படங்களில் நடிக்க வாய்ப்புகள் வந்த நிலையில், அதை மறுத்த கவிதா திருமணம் செய்து கொண்டு செட்டிலாகி விட்டார். இதனிடையே அருண் விஜய் பல படங்களில் ஹீரோவாக நடித்த நிலையில், தற்போது வில்லன் கேரக்டரிலும் மிரட்டி வருகிறார்.

விஜயகுமாரின் 6 பிள்ளைகளில் வனிதாவை தவிர மற்ற அனைவரும் ஒற்றுமையுடன் இருக்கின்றனர். முதல் மனைவி பிள்ளைகள், 2-வது மனைவி பிள்ளைகள் என எந்த வேறுபாடுமின்றி குடும்பத்தில் நடக்கும் நிகழ்ச்சிகள் மற்றும் பண்டிகைகளில் அனைவரும் தவறாமல் கலந்து கொள்வார்கள். இதுதொடர்பான புகைப்படங்களும் அவ்வப்போது இணையத்தில் வைரலாகி வருகின்றன.

அந்த வகையில் விஜயகுமாரின் மூத்த மகள் கவிதா விஜயகுமார் தனது தங்கை அனிதாவுடன் இருக்கும் புகைப்படங்கள் வைரலாகி வருகிறது. தற்போது 55 வயதாகும் கவிதா அமெரிக்காவில் வசித்து வருகிறார். இந்த நிலையில் அனிதா விஜயகுமாரின் பிறந்த நாளுக்காக அவர் கத்தார் நாட்டின் தோஹாவுக்கு சென்றுள்ளார்.

கவிதா விஜயகுமார் மட்டுமின்றி, அவருடன் அமெரிக்காவில் வசிக்கும் சில தோழிகளும் தோஹாவுக்கு சென்றுள்ளனர். அதுதொடர்பான புகைப்படங்கள் தான் தற்போது வைரலாகி வருகின்றன. கவிதா விஜயகுமாருக்கு 2 மகன்கள் மற்றும் ஒரு மகள் என 3 பிள்ளைகள் உள்ளனர். இதில் மகள் ஹாசினிக்கு திருமணமாகி 2 பெண் குழந்தைகள் உள்ளனர் என்பது குறிப்பிடத்தக்கது.