காதல் கிசுகிசுக்கு மத்தியில்... பொன்னியின் செல்வன் ஆடியோ லாஞ்சுக்கு ஜோடியாக வந்த சித்தார்த் - அதிதி ராவ்

Siddharth : நடிகர் சித்தார்த்தும், நடிகை அதிதி ராவும் காதலிப்பதாக அண்மையில் தகவல் வெளியான நிலையில், தற்போது அவர்கள் இருவரும் பொன்னியின் செல்வன் இசை வெளியீட்டு விழாவுக்கு ஜோடியாக வந்துள்ளனர். 

ஷங்கர் இயக்கிய பாய்ஸ் படத்தின் மூலம் நடிகராக அறிமுகமானவர் சித்தார்த், இதையடுத்து தமிழ், தெலுங்கு என இரு மொழிகளிலும் பல்வேறு படங்களில் நடித்து பிரபலமான இவர், அவ்வப்போது காதல் சர்ச்சைகளிலும் சிக்கி உள்ளார். கடந்த சில ஆண்டுகளுக்கு முன்னர் நடிகை சமந்தாவை காதலித்து வந்தார் சித்தார்த். இருவரும் திருமணம் செய்துகொள்வார்கள் என எதிர்பார்க்கப்பட்ட நிலையில் பிரேக் அப் செய்து பிரிந்தனர்.

இதையடுத்து நடிகை சமந்தா, தெலுங்கு நடிகர் நாக சைதன்யாவை காதலித்து அவரை திருமணம் செய்துகொண்டார். அந்த திருமணம் நான்கே ஆண்டுகளில் விவாகரத்தில் முடிந்தது. இதனிடையே சமீபத்தில் நடிகர் சித்தார்த்தும், நடிகை அதிதி ராவும் காதலிப்பதாக தகவல் வெளியாகி பரபரப்பை ஏற்படுத்தியது. இதுகுறித்து இருவருமே விளக்கம் அளிக்காமல் மவுனம் காத்து வந்தனர்.

இதையும் படியுங்கள்... இசை வெளியீட்டு விழா தொடங்கும் முன்பே... பொன்னியின் செல்வன் பட பாடல்கள் ரிலீஸானது

இந்நிலையில், அவர்கள் இருவரும் தங்களது காதலை உறுதிப்படுத்தும் விதமாக, இன்று சென்னையில் நடக்கும் பொன்னியின் செல்வன் படத்தின் பிரம்மாண்டமான இசை வெளியீட்டு விழாவுக்கு ஜோடியாக வந்துள்ளனர். ஏற்கனவே காதலிப்பதாக தகவல் பரவிய நிலையில், அவர்கள் ஜோடியாக வந்துள்ளது அவர்கள் இடையேயான காதலை உறுதிப்படுத்தும் வகையில் அமைந்துள்ளது.

மறுபுறம் சித்தார்த், அதிதி ராவ் இருவருமே மணிரத்னம் இயக்கத்தில் நடித்துள்ளனர். நடிகர் சித்தார்த் மணிரத்னம் இயக்கிய ஆயுத எழுத்து படத்தில் நடித்திருந்தார். அதேபோல் நடிகை அதிதி ராவ், மணிரத்னம் டைரக்‌ஷனில் வெளியான காற்று வெளியிடை மற்றும் செக்கச் சிவந்த வானம் ஆகிய படங்களில் நடித்திருந்தார் என்பது குறிப்பிடத்தக்கது.

இதையும் படியுங்கள்... 5 மொழி குரல் கொடுத்த பிரபலங்களை அறிமுகம் செய்த...பொன்னியின் செல்வன் தயாரிப்பு நிறுவனம்...