ஹைதராபாத்தில் சுதந்திரமாக சைக்கிளிங் செய்த 'தல' அஜித்..! தாறுமாறாக வைரலாகும் போட்டோஸ்..!

First Published Feb 25, 2021, 1:43 PM IST

'தல' அஜித் சமீபத்தில் சென்னை சேப்பாக்கம் கமிஷ்னர் அலுவலகத்தில் உள்ள ரைஃபிள் கிளப்பில் பயிற்சி எடுக்க வந்த புகைப்படங்கள், மற்றும் அஜித் துப்பாக்கியோடு நின்றபடி போஸ் கொடுத்த புகைப்படங்கள், சமூக வலைத்தளத்தில் வெளியாகி வைரலாக பார்க்கப்பட்ட நிலையில், தற்போது அஜித் சைக்கிளிங் செய்யும் புகைப்படங்கள் வெளியாகியுள்ளது.

ஹெச்.வினோத் இயக்கத்தில் தல அஜித் நடித்து வரும் வலிமை படத்தின் படப்பிடிப்பு காட்சிகள் பெருமளவு, ஹைதராபாத்தில் உள்ள ராமோஜி ராவ் பிலிம் சிட்டியில் தான் செட் போட்டு எடுக்கப்பட்டு வந்தது.

கடந்த சில வருடங்களாகவே, தன்னுடைய படத்தின் படப்பிடிப்பு தமிழகத்தின் எந்த இடத்தில் நடத்தினாலும் அங்கு ரசிகர்கள் சூழ்ந்து விடுவார்கள் என்பதால்.... கிராமத்து செட்டை கூட ராமோஜி ராவ் பிலிம் சிட்டியில் அமைத்து தான் படம் எடுக்க சொல்கிறார் அஜித்.

'வலிமை' படத்தின் படப்பிடிப்புக்காக ஹைதராபாத்தில் இருந்த அஜித், அங்கு காலை நேரங்களில்... முகத்தில் மாஸ்க் போட்டு கொண்டு சுதந்திரமாக சைக்கிளிங் செய்த புகைப்படங்கள் வெளியாகி ரசிகர்களால் வைரலாக பார்க்கப்பட்டு வருகிறது.

கருப்பு நிற ஷாட்ஸ் - டீ- ஷர்ட் அணிந்து நபர்களுடன், பனிக்கு இதமாக டீ குடிக்கும் புகைப்படங்களும் வெளியாகியுள்ளது.

'வலிமை' படத்தின் படப்பிடிப்பு, 95 சதவீதம் முடிந்து விட்ட நிலையில்... ஒரே ஒரு சண்டை காட்சியை மட்டும் வெளிநாட்டில் படமாக்க படக்குழுவினர் திட்டமிட்டுள்ளதாகவும் விரைவில், அந்த காட்சி படமாக்கப்படும் என, தயாரிப்பாளர் போனி கபூர் ஃபோர்ப்ஸ் பத்திரிகைக்கு அளித்த பேட்டியில் தெரிவித்திருந்தார்.