அடிதூள்! கை நிறைய சம்பளத்துடன் ரயில்வேயில் வேலை! Any Degree படித்தவர்கள் விண்ணப்பிக்கலாம்.. கடைசி தேதி இதுதான்!

Indian Railways recruitment: இந்திய ரயில்வேயில் 368 செக்‌ஷன் கன்ட்ரோலர் பணியிடங்கள் அறிவிக்கப்பட்டுள்ளது. எந்தப் பட்டதாரியும் விண்ணப்பிக்கலாம். மாதச் சம்பளம் ₹35,400.

Image Credit : Social Media

Indian Railways recruitment : ரயில்வேயில் காத்திருக்கும் அருமையான வாய்ப்பு!

இந்திய ரயில்வேயில் பணிபுரிய வேண்டும் என்பது பலரின் கனவு. அந்தக் கனவை நனவாக்கும் விதமாக, மத்திய அரசு இந்திய ரயில்வேயில் காலியாக உள்ள 368 Section Controller பணியிடங்களை நிரப்ப புதிய அறிவிப்பை வெளியிட்டுள்ளது. இந்த மத்திய அரசுப் பணிக்கு இந்தியா முழுவதும் உள்ள தகுதியான விண்ணப்பதாரர்கள் விண்ணப்பிக்கலாம். இப்பதவிக்கு விண்ணப்பிப்பதற்கான கடைசி தேதி அக்டோபர் 14, 2025 என்பதால், ஆர்வமுள்ளவர்கள் உடனடியாக விண்ணப்பிக்குமாறு கேட்டுக்கொள்ளப்படுகிறார்கள்.

Image Credit : ANI

கல்வித் தகுதி மற்றும் வயது வரம்பு

Section Controller பணிக்கான மொத்த காலியிடங்கள் 368 ஆகும். இப்பதவிக்குத் தேர்ந்தெடுக்கப்படும் விண்ணப்பதாரர்களுக்கு மாதம் ₹35,400 சம்பளம் வழங்கப்படும். கல்வித் தகுதியைப் பொறுத்தவரை, அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு (Graduation in any discipline) முடித்தவர்கள் விண்ணப்பிக்கலாம். வயது வரம்பைப் பொறுத்தவரை, விண்ணப்பதாரர்கள் 20 வயது பூர்த்தி அடைந்தவராகவும், 33 வயதுக்கு மேற்படாதவராகவும் இருக்க வேண்டும். குறிப்பிட்ட பிரிவினருக்கு வயது தளர்வுகளும் வழங்கப்பட்டுள்ளன. அதன்படி, SC/ ST பிரிவினருக்கு 5 ஆண்டுகள், OBC பிரிவினருக்கு 3 ஆண்டுகள், PwBD (பொது/ EWS) பிரிவினருக்கு 10 ஆண்டுகள், PwBD (SC/ ST) பிரிவினருக்கு 15 ஆண்டுகள் மற்றும் PwBD (OBC) பிரிவினருக்கு 13 ஆண்டுகள் வயது தளர்வு உண்டு.

Image Credit : GEMINI AI

விண்ணப்பக் கட்டணம் மற்றும் தேர்வு முறை

விண்ணப்பக் கட்டணம், விண்ணப்பதாரர்களின் பிரிவுக்கு ஏற்ப மாறுபடும். SC, ST, முன்னாள் ராணுவத்தினர், பெண்கள், திருநங்கைகள், சிறுபான்மையினர் மற்றும் பொருளாதாரத்தில் பின்தங்கிய வகுப்பினர் (EBC) உள்ளிட்ட பிரிவினருக்கு விண்ணப்பக் கட்டணம் ரூ.250 ஆகும். இவர்கள் கணினி அடிப்படையிலான தேர்வில் (CBT) கலந்துகொண்ட பிறகு, முழுத் தொகையும் திருப்பி அளிக்கப்படும். மற்ற பிரிவினருக்கு விண்ணப்பக் கட்டணம் ரூ.500 ஆகும். இவர்களுக்கு CBT தேர்வில் பங்கேற்ற பிறகு, ரூ.400 திருப்பி அளிக்கப்படும். இப்பதவிகளுக்கான தேர்வு, கணினி அடிப்படையிலான தேர்வு (CBT), மருத்துவப் பரிசோதனை (ME) மற்றும் சான்றிதழ் சரிபார்ப்பு (DV) ஆகிய முறைகளின் மூலம் மேற்கொள்ளப்படும்.

Image Credit : Gemini AI

எப்படி விண்ணப்பிப்பது?

இப்பணிகளுக்கு விண்ணப்பிப்பது மிகவும் எளிது. விண்ணப்பதாரர்கள் ரயில்வே ஆட்சேர்ப்பு வாரியத்தின் அதிகாரப்பூர்வ இணையதளமான www.rrbapply.gov.in மூலம் ஆன்லைனில் விண்ணப்பிக்கலாம். விண்ணப்பிப்பதற்கு முன், அதிகாரப்பூர்வ அறிவிப்பில் குறிப்பிடப்பட்டுள்ள அனைத்து தகுதிகளும் உங்களிடம் இருக்கிறதா என்பதை உறுதிப்படுத்திக் கொள்ளவும். விண்ணப்பிக்க கடைசி தேதி 14.10.2025 என்பதால், விரைந்து விண்ணப்பித்து உங்கள் அரசுப் பணி கனவை நனவாக்குங்கள்.