Job Alert: பட்டதாரி இளைஞர்களை அழைக்கிறது திருச்சி ஐஐஎம்.! ஆசிரியர் அல்லாத பணிகளுக்கு ஆஃபர்.!

இந்திய மேலாண்மை நிறுவனம் (IIM) திருச்சி, 2025-ஆம் ஆண்டுக்கான 07 நான்-டீச்சிங் பணியிடங்களுக்கு வேலைவாய்ப்பு அறிவித்துள்ளது. நிர்வாக அதிகாரி, ஜூனியர் இன்ஜினியர் உள்ளிட்ட பல்வேறு பதவிகளுக்கு ஆன்லைன் மூலம் டிசம்பர் 16, 2025 வரை விண்ணப்பிக்கலாம். 

Image Credit : Gemini AI

அட்டகாசமான வேலை வாய்ப்பு

இந்திய மேலாண்மை நிறுவனம் (IIM) திருச்சி, 2025ஆம் ஆண்டுக்கான நான்-டீச்சிங் பணியிடங்களுக்கு புதிய வேலைவாய்ப்பு அறிவிப்பை வெளியிட்டுள்ளது. மொத்தம் 07 காலியிடங்கள் உள்ளதாக நிறுவனத்தினர் தெரிவித்துள்ளனர். இந்த பணியிடங்களுக்கு ஆன்லைன் விண்ணப்பம் 16 டிசம்பர் 2025 வரை IIM திருச்சியின் அதிகாரப்பூர்வ இணையதளத்தில் கிடைக்கும். விண்ணப்பிக்கும் முன், முழு அறிவிப்பையும் வாசித்து தகுதி, வயது வரம்பு, அனுபவம் உள்ளிட்ட அனைத்தையும் சரிபார்ப்பது மிகவும் அவசியம்.

Image Credit : Getty

கல்வி தகுதி, தேவையான அனுபவம்

இந்த அறிவிப்பின் மூலம் Senior Administrative Officer Grade-I, Senior Administrative Officer Grade-II, Administrative Officer, Junior Systems Engineer Grade-II, Junior Assistant (Hindi) மற்றும் Junior Accountant ஆகிய பதவிகள் நிரப்பப்படுகின்றன. ஒவ்வொரு பதவிக்கும் தனித்தனியான கல்வித் தகுதி மற்றும் அனுபவத் தகுதிகள் குறிப்பிடப்பட்டுள்ளன. முக்கியமாக, மேலாண்மை துறையில் பட்டமேற்படிப்பு (MBA) அல்லது அதற்கு இணையான தகுதிகளுடன், கணினி செயல்பாடுகள் பற்றிய அறிவு அவசியமாகக் கொள்ளப்படுகிறது. சில பதவிகளுக்கு கணினி அறிவியல், தகவல் தொழில்நுட்பம் ஆகிய துறைகளில் B.Sc., BCA., B.E., B.Tech போன்ற தகுதிகளும் கேட்கப்பட்டுள்ளன. Junior Assistant (Hindi) பதவிக்கு ஹிந்தி மற்றும் ஆங்கில மொழிகளிலான விரிவான அறிவும், மொழிபெயர்ப்பு திறனும் அவசியமாக உள்ளது.

ஒவ்வொரு பதவிக்கும் தேவையான அனுபவம் மாறுபடுகிறது. பெரிய நிர்வாக அதிகாரி பதவிகளுக்கு 10 முதல் 12 ஆண்டுகள் வரை அனுபவம் தேவைப்படுகிறது. நடுத்தர மற்றும் ஆரம்ப நிலை பதவிகளுக்கு 4 முதல் 6 ஆண்டுகள் அனுபவம் தேவை என அறிவிப்பில் குறிப்பிடப்பட்டுள்ளது. சம்பளமானது மத்திய அரசின் 7வது ஊதியக்குழு படி Pay Level 4 முதல் Pay Level 12 வரை வழங்கப்படும் என்பதால், இது நிலையான மற்றும் சிறந்த வளர்ச்சி வாய்ப்புகளை வழங்கும் வேலைவாய்ப்பாகும்.

Image Credit : Getty

இப்படித்தான் விண்ணப்பிக்க வேண்டும்

வயது வரம்பும் ஒவ்வொரு பணிக்குமே தனித்தனியாக குறிப்பிடப்பட்டுள்ளது. சில பதவிகளுக்கு அதிகபட்ச வயது 55 ஆகவும், சில பதவிகளுக்கு 32 வயதாகவும் நிர்ணயிக்கப்பட்டுள்ளது. அரசு விதிகளின்படி SC/ST, OBC, PwBD மற்றும் Ex-Servicemen விண்ணப்பதாரர்களுக்கு உரிய வயது தளர்வும் வழங்கப்படும். விண்ணப்பக் கட்டணமாக பொதுப்பிரிவினர் ₹500 செலுத்த வேண்டும். ஆனால் பெண்கள், SC/ST, மாற்றுத்திறனாளிகள், முன்னாள் ராணுவத்தினர் ஆகியோருக்கு கட்டணம் இல்லை.

IIM திருச்சியின் அதிகாரப்பூர்வ இணையதளத்தில் சென்று ஆன்லைன் விண்ணப்பப் படிவத்தை பூர்த்தி செய்ய வேண்டும். சமர்ப்பிக்க வேண்டிய ஆவணங்களை சரியாக upload செய்து, விண்ணப்பத்தை சமர்ப்பித்ததை உறுதிப்படுத்திக் கொள்ள வேண்டும். மொத்தத்தில், மத்திய அரசு நிரந்தர பணி தேடுபவர்களுக்கு இது ஒரு சிறந்த வாய்ப்பாக அமைந்துள்ளது