Onion Price: ஓடியாங்க.! ஓடியாங்க.! 1 கிலோ வெங்காயம் ரூ.30.! ஆந்திரா பர்டர்ல இருக்குறவங்களுக்கு அதிர்ஷ்டம்.!

வெங்காய விலை விண்ணை முட்டும் அளவுக்கு ஏறிக்கொண்டே போவதால், சாதாரண மக்கள் வாங்க முடியாத நிலை ஏற்பட்டுள்ளது. இந்த நிலையில் 1 கிலோ வெங்காயம் 30 ரூபாய்க்கு கிடைக்க போகது. எங்க தெரியுமா?

Image Credit : Gemini AI

மிகக் குறைந்த விலையில் வெங்காயம்..

ஒவ்வொரு சமையலறையிலும் வெங்காயம் இல்லாமல் சமையல் இல்லை. எந்த ஒரு தாளிப்புக்கும் வெங்காயம் கட்டாயம் தேவை. "வெங்காயம் செய்யும் நன்மை தாய் கூட செய்ய மாட்டாள்"னு ஒரு பழமொழியே இருக்கு. தெலுங்கு மக்களின் சமையலில் வெங்காயத்துக்கு முக்கிய பங்கு உண்டு. பருப்பு, சாம்பார், கறின்னு எல்லாத்துலயும் வெங்காயம் சேர்ப்பாங்க. கடைசியா பழைய சோறுக்கு கூட வெங்காயத்தை கடிச்சுக்கிட்டு சாப்பிடுவாங்க. இப்படி மக்கள் அதிகம் பயன்படுத்தும் வெங்காயத்தின் விலை இப்போ ராக்கெட் வேகத்துல ஏறிடுச்சு. கொஞ்ச நாளைக்கு முன்னாடி கிலோ ₹20-30க்கு வித்த வெங்காயம், இப்போ ₹50 தாண்டி, ₹100-ஐ நெருங்கிட்டு இருக்கு. இந்த விலையேற்றத்தைக் கட்டுப்படுத்த மத்திய, மாநில அரசுகள் நடவடிக்கைகளைத் தொடங்கியுள்ளன.

Image Credit : Gemini AI

ஆந்திராவில் கிலோ ₹32-க்கு வெங்காயம்..

ஆந்திரப் பிரதேசத்தில் உள்ள கூட்டணி அரசு, மக்களுக்கு மலிவு விலையில் வெங்காயம் வழங்க தயாராகிவிட்டது. மாநில குடிமைப் பொருள் வழங்கல் துறை அமைச்சர் நாதெண்டலா மனோகர், இதற்காகவே டெல்லி சென்று மத்திய அரசுடன் பேச்சுவார்த்தை நடத்தினார். இதைத் தொடர்ந்து, ஆந்திராவுக்கு அதிகளவில் வெங்காயத்தை சப்ளை செய்ய மத்திய அரசு ஒப்புக்கொண்டது. இந்த வெங்காயத்தை மானிய விலையில் மக்களுக்கு வழங்க இருப்பதாக அமைச்சர் அறிவித்துள்ளார். தற்போது வெளி மார்க்கெட்டில் ஒரு கிலோ வெங்காயம் ₹50-60க்கு விற்கப்படுகிறது. நல்ல தரமான வெங்காயம் ₹70-80 வரை போகிறது. இந்த விலையில் சாதாரண மக்களால் வெங்காயம் வாங்க முடியவில்லை. இந்த நேரத்தில், ஆந்திர அரசு கிலோ ₹32 என்ற விலையில் Rythu Bazaars மூலம் வெங்காயத்தை விற்க முடிவு செய்துள்ளது.

Image Credit : AI image - Gemini

வெங்காய சப்ளைக்காக ஓடும் 'கந்தா எக்ஸ்பிரஸ்'

வெங்காய விலையைக் கட்டுப்படுத்த மத்திய அரசும் சிறப்பு நடவடிக்கை எடுத்துள்ளது. இதன் ஒரு பகுதியாக 'கந்தா எக்ஸ்பிரஸ்' என்ற ரயிலை இயக்குகிறது. 'கந்தா' என்றால் வெங்காயம். மத்திய அரசிடம் கையிருப்பில் உள்ள வெங்காயத்தை, தட்டுப்பாடு உள்ள பகுதிகளுக்கு இந்த ரயில் மூலம் அனுப்புகிறார்கள். இதன் மூலம் வெங்காய தட்டுப்பாட்டை நீக்கி, விலையைக் கட்டுப்படுத்த மத்திய குடிமைப் பொருள் வழங்கல் துறை முயற்சிக்கிறது. டெல்லி, சென்னை போன்ற நகரங்களுக்கு இந்த ரயில் இயக்கப்படுகிறது. சில மாநிலங்களில் கிலோ ₹35-க்கு மானிய விலையில் வெங்காய விற்பனை தொடங்கியுள்ளது. ஆந்திரப் பிரதேசம் மற்றும் தெலங்கானாவுக்கும் இந்த 'கந்தா எக்ஸ்பிரஸ்' ரயில் விரைவில் வரவிருக்கிறது.

Image Credit : Chatgpt

டி-மார்ட் போல ஆந்திராவில் 'மீ மார்ட்'

சாதாரண மக்களுக்கு குறைந்த விலையில் அத்தியாவசியப் பொருட்களை வழங்க, ஆந்திர கூட்டணி அரசு ஒரு புதிய திட்டத்தை யோசித்துள்ளது. டி-மார்ட் போலவே 'மீ மார்ட்' (Mee Mart) என்ற பெயரில் மாநிலம் முழுவதும் கடைகளை அமைக்க முடிவு செய்துள்ளது. இந்த கடைகளில் மிகக் குறைந்த விலையில் பொருட்கள் விற்கப்படும். அக்டோபர் 1-ம் தேதி முதல் கட்டமாக 1000-க்கும் மேற்பட்ட 'மீ மார்ட்' கடைகளைத் திறக்கப் போவதாக அரசு அறிவித்துள்ளது. இந்த கடைகள் மூலம் 64 வகையான அத்தியாவசியப் பொருட்கள் ஏழை மற்றும் நடுத்தர மக்களுக்கு குறைந்த விலையில் கிடைக்கும். பாமாயில், துவரம் பருப்பு போன்றவை சந்தை விலையை விட 25-30% குறைவாக விற்கப்படும் என அமைச்சர் நாதெண்டலா மனோகர் தெரிவித்துள்ளார்.