உலகின் நம்பர் 1 பணக்காரர்.. 81 வயதில் எலான் மஸ்குக்கு தண்ணி காட்டிய லேரி எலிசன் யார்?
எலான் மஸ்க்கை பின்னுக்குத் தள்ளியுள்ள 81 வயதான லேரி எலிசன், 393 பில்லியன் டாலர் (34.59 லட்சம் கோடி ரூபாய்) சொத்துக்களைக் கொண்டுள்ளார். தற்போது உலகின் நம்பர் 1 பணக்காரர் ஆக மாறியுள்ளார்.
உலகின் நம்பர் 1 பணக்காரர்
உலக பணக்காரர்களின் பட்டியலில் பெரும்பாலும் எலான் மஸ்க், ஜெஃப் பெசோஸ் போன்றவர்களே முதலிடத்தில் இருந்தனர். ஆனால் இப்போது அந்த இடத்தை 81 வயதான லேரி எலிசன் கைப்பற்றியுள்ளார். ஓரக்கிள் நிறுவனத்தின் இணை நிறுவனர் ஆன இவர், மொத்தமாக 393 பில்லியன் டாலர் (34.59 லட்சம் கோடி ரூபாய்) மதிப்பிலான சொத்துக்களை பெற்றுள்ளார். குறிப்பாக AI அடிப்படையிலான கிளவுட் ஒப்பந்தங்களால் ஓரக்கிள் பங்குகள் பறக்க, எலிசன் ஒரே இரவில் சுமார் 101 பில்லியன் டாலர் (8.89 லட்சம் கோடி ரூபாய்) சொத்து உயர்வு கண்டுள்ளார்.
லேரி எலிசன் யார்?
1944 ஆம் ஆண்டு பிறந்த லேரி எலிசன், 1977 இல் “மென்பொருள் மேம்பாட்டு ஆய்வகங்கள்” என்ற பெயரில் ஓரக்கிளை தொடங்கினார். SQL அடிப்படையிலான தரவுத்தள மென்பொருள் மூலம், 1980கள், 90களில் Oracle உலகின் முன்னணி நிறுவன தரவுத்தளமாக உயர்ந்தது. அதன் பிறகு PeopleSoft, Sun Microsystems, NetSuite போன்ற பல பெரிய நிறுவனங்களை கையகப்படுத்தி, வன்பொருள், மென்பொருள் மற்றும் கிளவுட் உலகில் தனது ஆதிக்கத்தை விரிவாக்கினார்.
ஓரக்கிள் இணை நிறுவனர்
2020க்குப் பிறகு எலிசன் தனது கவனத்தை முழுமையாக AI மற்றும் கிளவுட் பக்கம் திருப்பினார். “Oracle Cloud Infrastructure (OCI)” எனப்படும் வசதிகளை மேம்படுத்தி, AI தரவுத்தளத்தை ChatGPT போன்ற மாதிரிகளுடன் இணைத்தார். 2025 இல் அறிவிக்கப்பட்டது 500 பில்லியன் டாலர் ஸ்டார்கேட் திட்டம் உலகளாவிய AI உள்கட்டமைப்பை உருவாக்கும் நோக்கத்துடன் வந்தது. இந்த கண்டுபிடிப்புகள் Oracle பங்குகளை இரட்டிப்பாக்க, எலிசனின் சொத்துக்கள் வேகமாக உயர்ந்தன.
எலான் மஸ்க்
மற்ற பில்லியனர்களுடன் ஒப்பிட்டால், டெஸ்லா சிஐஓ எலான் மஸ்க் தற்போது 385 பில்லியன் டாலர் சொத்துடன் இரண்டாவது இடத்தில் உள்ளார். டெஸ்லா பங்குகள் இந்த ஆண்டில் 13% சரிந்ததால் மஸ்கின் நிகர மதிப்பு குறைந்தது. அதேசமயம், ஆரக்கிள் பங்குகள் உயர்ந்ததால் எலிசன் முன்னேறினார். மெட்டா நிறுவனத்தின் மார்க் ஜுக்கர்பெர்க் கூட எலிசனின் பின்னால் தள்ளப்பட்டுள்ளார்.
பில்லியனர் பட்டியல்
மொத்தத்தில், AI மற்றும் கிளவுட் உலகில் சவால்களை மாற்றிய எலிசன், தொழில்நுட்ப உலகின் அடுத்த பெரிய புரட்சியை உருவாக்கியுள்ளார். எலான் மஸ்க் எப்போதும் விண்வெளி, மின்சார வாகனங்களில் முன்னிலை வகித்தாலும், தற்போதைய AI அலைவில் லேரி எலிசன் தான் உலகின் பணக்காரர் பட்டத்தில் முதலிடத்தை பிடித்துள்ளார்.