80,000 டாலர்களை நோக்கி செல்லும் பிட்காயின் மதிப்பு.. டிரம்ப் வெற்றியால் மாறிய ட்ரெண்ட்!

அமெரிக்க அதிபர் தேர்தலில் டொனால்ட் டிரம்ப் வெற்றியை நெருங்கியதால், பிட்காயின், கிரிப்டோகரன்சியில் முதலீடு செய்தவர்கள் மகிழ்ச்சியில் உள்ளனர். இந்த தேர்தல் முடிவுகள் பிட்காயினின் மதிப்பை அதிகபட்சமாக $75,060 ஆக உயர்த்தியுள்ளது. டிரம்ப் தனது பிரச்சாரத்தின் போது பிட்காயினை ஒரு மையப் புள்ளியாக ஆக்கினார்.

அவர் அமெரிக்காவை "உலகின் கிரிப்டோ தலைநகராக" மாற்றுவதாகக் கூறினார். தற்போது பிட்காயின் $ 75,000 க்கு மேல் ஒரு புதிய சாதனையை எட்டியது. கிட்டத்தட்ட $1.5 டிரில்லியன் மதிப்பீட்டைத் தாண்டியது. இன்று புதன்கிழமை (இந்திய நேரம்), பிட்காயின் ஒரு நாணயத்திற்கு $73,000 சுற்றிக் கொண்டிருந்தது என்றே சொல்லலாம்.

deVere குழுமத்தின் CEO நைஜல் கிரீன் கருத்துப்படி, "கிரிப்டோகரன்சி குறித்த டிரம்பின் நிலைப்பாடு, தேர்தலைச் சுற்றியுள்ள நிச்சயமற்ற தன்மையுடன் இணைந்து, பிட்காயினை புதிய உயரத்திற்குத் தள்ளும் என்று நாங்கள் பல மாதங்களாக கூறி வருகிறோம். இது டிஜிட்டல் நிதி அமைப்பில் நிகழும் அடிப்படை மாற்றங்களைப் பற்றியது. கிரிப்டோகரன்சிக்கான டிரம்பின் வெளிப்படையான ஆதரவு இந்த எழுச்சியைத் தூண்டியுள்ளது.

ஏனெனில் டிரம்ப் வெற்றியானது பிட்காயினின் தொடர்ச்சியான வளர்ச்சிக்கு சாதகமான பாதையை உருவாக்கும் என்று பல முதலீட்டாளர்கள் எதிர்பார்க்கிறார்கள்," என்று கிரீன் கூறியுள்ளார். வர்த்தக ஆய்வாளர்களின் கூற்றுப்படி, டிரம்ப் நிர்வாகத்தின் கீழ் உயர்ந்த தேவை, சந்தை உணர்வு மற்றும் கொள்கை எதிர்பார்ப்புகளின் கலவையால் பிட்காயின் எதிர்காலத்தில் $80,000 வரை உயரக்கூடும் என்று பொருளாதார நிபுணர்கள் கூறுகின்றனர்.

இதற்கிடையில், மற்ற கிரிப்டோகரன்சி டோக்கன்களும் மொத்த கிரிப்டோ மார்க்கெட் கேப் பூஜ்ஜியமாக $2.5 டிரில்லியனில் முன்னேற்றம் அடைந்தன, இது ஒரு நாளில் 9 சதவீதம் உயர்ந்துள்ளது என்பது குறிப்பிடத்தக்கது.

முதலீடு எல்லாம் கோவிந்தா! நியூயார்க் டூ இந்தியா வரை தங்கம் விலை உயர்வு - US Election என்னவாகும்?