யம்மாடியோ... ஒரு நாளைக்கு இத்தனை லட்சமா? சம்பள விவரத்தை சொன்ன மைனா... ஷாக் ஆன தனலட்சுமி

பிக்பாஸ் நிகழ்ச்சியில் 60 நாட்களுக்கு மேல் வெற்றிகரமாக கடந்துள்ள மைனாவின் சம்பள விவரம் வெளியாகி நெட்டிசன்களை ஷாக் ஆக்கி உள்ளது. 

பாண்டிராஜ் இயக்கிய வம்சம் படம் மூலம் சினிமாவில் நடிகையாக அறிமுகமானவர் நந்தினி. இதையடுத்து கேடி பில்லா கில்லாடி ரங்கா, நம்ம வீட்டு பிள்ளை என சினிமாவில் அவ்வப்போது நடித்து வந்தாலும், இவரை மக்கள் மத்தியில் பாப்புலர் ஆக்கியது சரவணன் மீனாட்சி சீரியல் தான். அதில் மைனா என்கிற கதாபாத்திரத்தில் இவர் நடித்திருந்ததால், ரசிகர்களும் இவரை செல்லமாக மைனா நந்தினி என்றே அழைத்து வருகின்றனர்.

இதையடுத்து சின்னத்திரை நிகழ்ச்சியில் நடுவராக இருந்த மைனா, சீரியல் நடிகர் யோகேஷ் என்பவரை காதலித்து திருமணம் செய்துகொண்டார். இந்த தம்பதிக்கு துருவன் என்கிற மகனும் உள்ளார். இந்நிலையில், நடிகை மைனா நந்தினி தற்போது கமல்ஹாசன் தொகுத்து வழங்கும் பிக்பாஸ் சீசன் 6 நிகழ்ச்சியில் போட்டியாளராக பங்கேற்றுள்ளார். 

இதையும் படியுங்கள்... கல்யாணம் முடிந்த கையோடு கணவருக்கு அல்வா கொடுத்த ஹன்சிகா

இந்த நிகழ்ச்சியில் 60 நாட்களுக்கு மேல் வெற்றிகரமாக கடந்துள்ள மைனாவின் சம்பள விவரம் வெளியாகி நெட்டிசன்களை ஷாக் ஆக்கி உள்ளது. பிக்பாஸ் வீட்டில் மணிகண்டன், மைனா மற்றும் தனலட்சுமி ஆகியோர் பேசிக் கொண்டிருந்தனர். அப்போது பிக்பாஸ் ரெஸ்ட் எடுக்கவே விடாமல் டாஸ்க் கொடுத்து வருவதாக மைனா கூறியதும், அதுக்குத்தான உனக்கு ரூ.1.5 லட்சம் சம்பளம் தர்றாங்க என மணிகண்டன் சொல்கிறார்.

இதைக்கேட்டு ஷாக் ஆன தனலட்சுமி, நிஜமாவே உங்களுக்கு ஒரு நாளைக்கு அவ்ளோ சம்பளமா என கேட்க, மைனாவும் அதற்கு ஆமாம் என தலை ஆட்டினார். பின்னர் மொத்த தொகையை கணக்கு போட்ட மணிகண்டன், மைனா பிக்பாஸ் வீட்டை விட்டு வெளியே செல்லும் போது மொத்தமாக 90 லட்சம் கிடைக்கும் என சொன்னதை கேட்டு தனலட்சுமி வாயடைத்து போனார். 

இதையும் படியுங்கள்... பிரபல நடிகருடன் அர்ஜுன் பட ஹீரோயின் ஹரி பிரியாவிற்கு நடந்த நிச்சயதார்த்தம்! வெளியான புகைப்படங்கள்!