- Home
- Auto
- 158 கிமீ ரேஞ்ச் தரும் டிவிஎஸ் Orbiter ஸ்கூட்டர்… ஆக்டிவாவை மிஞ்சும் அம்சங்கள்.. விலை எவ்ளோ.?
158 கிமீ ரேஞ்ச் தரும் டிவிஎஸ் Orbiter ஸ்கூட்டர்… ஆக்டிவாவை மிஞ்சும் அம்சங்கள்.. விலை எவ்ளோ.?
பலரும் கவனிக்காத டிவிஎஸ் Orbiter EV, ஹோண்டா ஆக்டிவா போன்ற பெட்ரோல் ஸ்கூட்டர்களுக்கு சிறந்த மாற்றாக விளங்குகிறது. இது நவீன தொழில்நுட்பம், 158 கிமீ ரேஞ்ச், மற்றும் 34 லிட்டர் சேமிப்பு வசதி போன்ற அம்சங்களுடன் வருகிறது.
டிவிஎஸ் ஸ்கூட்டர்
டிவிஎஸ் நிறுவனம் மிகவும் கவனிக்கப்படாமல் போயிருந்த மாடல் தான் டிவிஎஸ் Orbiter EV. iQube அதிகம் விற்பனை ஆவதால் Orbiter எலக்ட்ரிக் ஸ்கூட்டரை பலரும் கவனிக்கவில்லை என்றும் கூறலாம். ஆனால் உண்மையில், பெட்ரோல் ஸ்கூட்டர்களில் பிரபலமான Honda Activa போன்ற மாடல்களுக்கு மாற்றாக Orbiter EV சிறந்த அம்சங்கள், நவீன தொழில்நுட்பம், பெரிய சேமிப்பு வசதி, பாதுகாப்பு அம்சங்களைக் கொண்டுள்ளது. குறிப்பாக ஸ்டைல் மற்றும் வசதியை விரும்பும் இளம் பயனர்களுக்கான ஒரு மிக நல்ல தேர்வு இது.
34 லிட்டர் ஸ்டோரேஜ்
இதன் வடிவமைப்பு நேர்த்தியான, புதிய தலைமுறை ஸ்டைலில் உள்ளது. நேர்கோட்ட வடிவமைப்பு காரணமாக ரைடிங் பொசிஷன் மிக நெருக்கமாகவும் நிம்மதியாகவும் இருக்கும். பெரிய விண்ட்ஸ்கிரீன், 34 லிட்டர் பெரிய இருக்கைக்கு கீழ் சேமிப்பு, நீளமான இருக்கை, அகலமான ஃபுட்போர்டு, எளிதில் அணுகக்கூடிய கையுறை பெட்டி போன்ற எர்கோனாமிக் அம்சங்கள் தினசரி பயணத்தை சுலபமாக்குகின்றன. 112 கிலோ மட்டுமே எடை வைத்துள்ளதால் நெரிசலான நகரப் பகுதிகளிலும் சுலபமாக கையாளலாம்.
ஆர்பிட்டர் இவி அம்சங்கள்
தொழில்நுட்ப வசதிகளிலும் Orbiter EV அடுத்த மட்டத்தில் உள்ளது. இதில் க்ரூஸ் கன்ட்ரோல், ஹில் ஹோல்ட் அசிஸ்ட், ரிவர்ஸ் அசிஸ்ட், நிறமுள்ள எல்சிடி டிஸ்ப்ளே, யுஎஸ்பி சார்ஜிங் போர்ட், கிரிஸ்டல் எல்இடி ஹெட்லைட்கள், ஈகோ & சிட்டி ஆகிய இரண்டு ரைடிங் மோடுகள் வழங்கப்பட்டுள்ளன. டர்ன்-பை-டர்ன் வழிசெலுத்தல், அழைப்பு & எஸ்எம்எஸ் எச்சரிக்கை, நேரலை இருப்பிட கண்காணிப்பு போன்ற ஸ்மார்ட் இணைப்பு அம்சங்களும் இதில் அடங்கும். பாதுகாப்பு அம்சங்களாக ஸ்டீல் டியூப் சேசிஸ், டெலஸ்கோபிக் ஃப்ரண்ட் ஃபோர்க், டூயல் ஷாக் அப்சார்பர்ஸ், SBS பிரேக்கிங் சிஸ்டம் உடன் 14-இன்ச் அலாய் வீல்கள் வழங்கப்பட்டுள்ளன.
158 கிமீ ரேஞ்ச்
கூடுதலாக திருட்டு எதிர்ப்பு எச்சரிக்கை, பேட்டரி IP67 மதிப்பீடு போன்ற உயர்தர பாதுகாப்பு நன்மைகள் உள்ளன. இதில் 2.5 kW BLDC மோட்டார், 3.1 kWh பேட்டரி இணைக்கப்பட்டுள்ளது. அதிகபட்ச ரேஞ்ச் 158 கிமீ வரை கிடைக்கும் என்பதால் தினசரி நகரப் பயணத்திற்கு இது போதுமானது. பேட்டரிக்கு 3 ஆண்டு / 50,000 கிமீ வாரண்டியும் வழங்கப்படுகிறது. விலை ரூ.99,900 (எக்ஸ்-ஷோரூம்) என்ற குறைந்த விலையில் இவ்வளவு அம்சங்கள் கிடைப்பதால், Orbiter EV தற்போது மார்க்கெட்டில் "best value-for-money EV scooter" எனக் கருதப்படுகிறது.
