இது ஹெல்மெட் கிடையாது, அதுக்கும் மேல.. விலை ரூ.2,999 முதல் ஆரம்பம்
ஏதர் எனர்ஜி புதிய ஹேலோ ஹெல்மெட்டை அறிமுகப்படுத்தியுள்ளது. இந்த ஹெல்மெட் இரண்டு மாடல்களில் குறைந்த விலையில் கிடைக்கிறது. புளூடூத், மைக், உடைகள் கண்டறியும் தொழில்நுட்பம் போன்ற வசதிகள் இதில் உள்ளன.
ஏதர் ஹேலோ ஹெல்மெட்
இந்தியாவின் பிரபல மின்சார ஸ்கூட்டர் தயாரிப்பு நிறுவனமான ஏதர் எனர்ஜி (Ather Energy), தனது சமூக தினம் 2025 நிகழ்ச்சியில் அப்டேட் செய்யப்பட்ட Halo ஹெல்மெட்டை வெளியிட்டுள்ளது. இந்த ஹெல்மெட் இரண்டு மாடல்களில் கிடைக்கிறது. அவை Halo Bit (ரூ.2,999) மற்றும் Halo Regular (ரூ.4,999) ஆகும். கடந்த வருடம் அறிமுகமான ஹேலோ ஹெல்மெட்டின் விலை ரூ.9,999 ஆக இருந்தது. அதை விட இப்போது மிகக் குறைந்த விலையில் கிடைப்பது பெரிய மாற்றமாகும்.
ஹேலோ ஹெல்மெட் அம்சங்கள்
புதிய ஹேலோ ஹெல்மெட்டின் சார்ஜ் முறையிலும் மாற்றம் கொண்டுவந்துள்ளனர். முன்பு இருந்த வயர்லெஸ் சார்ஜிங் முறையிலிருந்து விலகி, இப்போது USB Type-C கேபிள் மூலம் சார்ஜ் செய்யலாம். இந்த ஹெல்மெட் ISI சான்றிதழ் பெற்ற முழு முக மாடல் ஆகும். மேலும் மூன்று வண்ணங்களிலும், பல அளவுகளிலும் கிடைக்கிறது. ஹேலோ ஹெல்மெட்டில் புளூடூத் இணைத்தல், மைக் யூனிட், உடைகள் கண்டறியும் தொழில்நுட்பம் போன்ற நவீன வசதிகள் உள்ளன.
எலக்ட்ரிக் வாகன ஹெல்மெட்
ஹெல்மெட்டை அணிந்தவுடன் அது தானாகவே Ather ஸ்கூட்டருடன் connect ஆகும். இதன் மூலம் பயணிகள் மியூசிக் கேட்கவும், அழைப்புகளை ஹேண்ட்ஸ்-ஃப்ரீ-ஆக பேசவும் முடியும். இதற்கும்மேல், புதிய Ather Stack 7 OS மூலம் பல அப்டேட் வசதிகள் திறக்கப்பட்டுள்ளன. நெவிகேஷன் அலர்ட், குழி இல்லாத பாதை தகவல், திருட்டு எச்சரிக்கை, இழுத்து செல்லும் எச்சரிக்கை, நேரடி கிரிக்கெட் ஸ்கோர்கள் போன்றவை ஹெல்மெட் மூலம் நேரடியாக ரைடருக்கு வரும்.
ஹெல்மெட் சலுகை
இதனால் பயணத்தின் போது கூடுதல் பாதுகாப்பு அனுபவமும் கிடைக்கும். Community Day 2025-இல் Ather Energy தனது எதிர்கால EV பிளாட்பார்மான EL platform மற்றும் EL01 Concept மாடலை வெளியிட்டது. 2026-இல் இந்த பிளாட்பார்மில் தயாரிப்பு ஸ்கூட்டர் வெளிவர உள்ளது. அதேசமயம், Ather Redux Concept எனும் futuristic maxi-sooter-யும் அந்நிகழ்ச்சியில் அறிமுகமானது.
