சஃபாரி, அல்காஸரை வீழ்த்த வரும் நிஸானின் புது ஆயுதம்.. நிஸான் டெக்டான் 7 சீட்டர் காரின் மாஸ் அப்டேட்!

Nissan Tekton 7 Seater SUV: நிஸான் நிறுவனம் தனது புதிய 7 சீட்டர் டெக்டான் எஸ்.யு.வி காரின் சோதனை ஓட்டத்தைத் தொடங்கியுள்ளது. இந்த காரின் சிறப்பம்சங்கள் என்னென்ன? என்பது குறித்து விரிவாக பார்க்கலாம்.

Image Credit : x

நிஸான் டெக்டான் 7 சீட்டர் கார்

இந்தியாவில் எஸ்.யு.வி மார்க்கெட்டில் போட்டியை பலமாக்க நிஸான் (Nissan) நிறுவனம் தயாராகி வருகிறது. தங்களது புதிய டெக்டான் எஸ்.யு.வி காரின் 7 சீட்டர் மாடலை சோதிக்கத் தொடங்கியுள்ளது. சமீபத்தில் வெளியான டெஸ்டிங் புகைப்படங்கள் மூலம், இந்த காரின் டிசைன், கூடுதல் சீட் வசதிகள் மற்றும் பாதுகாப்பு அம்சங்கள் பற்றிய விவரங்கள் தெரியவந்துள்ளன. டாடா சஃபாரி, ஹூண்டாய் அல்காஸர், மஹிந்திரா XUV 7XO போன்ற கார்களுக்கு இந்த புதிய நிஸான் எஸ்.யு.வி பெரிய சவாலாக இருக்கும் என எதிர்பார்க்கப்படுகிறது.

Image Credit : Asianet News

நீளமான பாடி மற்றும் கூடுதல் இடவசதி

5 சீட்டர் டெக்டான் காரின் அடிப்படை டிசைனை வைத்தே இந்த புதிய மாடலும் உருவாக்கப்படுகிறது. மூன்றாவது வரிசை சீட்டுகளை வைப்பதற்காக, காரின் பாடி சற்று நீளமாக்கப்பட்டுள்ளது. 2027-ம் ஆண்டுக்கான இந்திய வாகன திட்டத்தின் ஒரு பகுதியாகவே இந்த 3 வரிசை எஸ்.யு.வி வருகிறது. இரண்டு மாடல்களுமே CMF-B பிளாட்ஃபார்மில்தான் தயாராகின்றன. எனினும், 7 சீட்டர் மாடல் வெறும் நீளமாக்கப்பட்ட டெக்டான் கார் மட்டுமல்ல; இதில் சுமார் 2,657 மி.மீ வீல்பேஸ் கிடைக்க வாய்ப்புள்ளது. இதனால் காருக்குள் பயணிகளுக்கு அதிக இடவசதி கிடைக்கும்.

Image Credit : Google

புதிய அலாய் வீல்கள் மற்றும் பின்பக்க மாற்றங்கள்

சோதனை ஓட்டத்தில் உள்ள காரில் 18 இன்ச் அலாய் வீல்களும், 225/60 சைஸ் டயர்களும் இடம்பெற்றுள்ளன. 5 சீட்டர் மாடலில் உள்ள 225/55 டயர்களை விட, இதில் சற்று உயரமான சைடுவால் கொடுக்கப்பட்டுள்ளது. முன்பக்கத்தில் எல் வடிவ எல்.இ.டி டேடைம் ரன்னிங் லைட்டுகள் உட்பட டெக்டான் காரின் டிசைன் அப்படியே தொடர்கிறது.

இருப்பினும், பம்பரின் இரு பக்கங்களிலும் செங்குத்தான டிசைன்களைச் சேர்த்து சில மாற்றங்கள் செய்யப்பட்டுள்ளன. பின்பக்கத்தில் குறிப்பிடத்தக்க வித்தியாசங்களை எதிர்பார்க்கலாம். கனெக்டட் எல்.இ.டி டெயில்லைட் டிசைன் மற்றும் பம்பரின் கீழ்ப்பகுதியில் நம்பர் பிளேட் வைக்கப்படும் இடம் ஆகியவை இந்த புதிய மாடலை 5 சீட்டர் மாடலிலிருந்து தனித்துக் காட்டுகின்றன.

Image Credit : Asianet News

ரேடார் அடிப்படையிலான ADAS பாதுகாப்பு

புதிய டெஸ்டிங் புகைப்படங்களில், முன்பக்க பம்பரில் இரண்டு மில்லிமீட்டர் வேவ் ரேடார் சென்சார்கள் இடம்பெற்றுள்ளன. விற்பனைக்கு வரும் மாடலிலும் இது கொடுக்கப்பட்டால், தற்போதுள்ள 5 சீட்டர் டெக்டானை விட மேம்பட்ட டிரைவர் அசிஸ்டன்ஸ் சிஸ்டம் (ADAS) கிடைக்கக்கூடும். அடாப்டிவ் க்ரூஸ் கண்ட்ரோல், ஆட்டோமேட்டிக் எமர்ஜென்சி பிரேக்கிங், லேன் கீப் அசிஸ்ட், பிளைண்ட் ஸ்பாட் வார்னிங், டிராஃபிக் சைன் ரெகக்னிஷன் போன்ற வசதிகள் 5 சீட்டர் டெக்டானில் ஏற்கனவே உள்ளன. எனினும், புதிய மாடலின் முழுமையான பாதுகாப்பு அம்சங்கள் பற்றி நிஸான் நிறுவனம் இன்னும் அதிகாரப்பூர்வமாக அறிவிக்கவில்லை.

1.3 லிட்டர் டர்போ பெட்ரோல் இன்ஜின் எதிர்பார்ப்பு

இந்த புதிய 7 சீட்டர் எஸ்.யு.வி-யின் இன்ஜின் விவரங்களை நிறுவனம் இன்னும் உறுதிப்படுத்தவில்லை. என்றாலும், 163 PS பவரையும் 280 Nm டார்க் திறனையும் வழங்கும் 1.3 லிட்டர் டர்போ பெட்ரோல் இன்ஜின் கிடைக்கலாம் எனத் தகவல்கள் தெரிவிக்கின்றன. 6 ஸ்பீடு மேனுவல் மற்றும் 6 ஸ்பீடு வெட் டூயல் கிளட்ச் கியர்பாக்ஸ் ஆப்ஷன்களும் எதிர்பார்க்கப்படுகின்றன.

5 சீட்டர் டெக்டானில் 1.0 லிட்டர் டர்போ பெட்ரோல் இன்ஜினும் கிடைக்க வாய்ப்புள்ளது. இந்த 7 சீட்டர் மாடலுக்கு சுமார் 18 லட்சம் ரூபாய் வரை விலை நிர்ணயிக்கப்படலாம் என எதிர்பார்க்கப்பட்டாலும், அதிகாரப்பூர்வ விலை இன்னும் அறிவிக்கப்படவில்லை. மார்க்கெட்டுக்கு வரும்போது டாடா சஃபாரி, ஹூண்டாய் அல்காஸர், மஹிந்திரா XUV 7XO கார்களுடன் இது முக்கிய போட்டியைச் சந்திக்கும்.