- Home
- Auto
- Zelio Eeva: லைசென்ஸ், பதிவு செய்ய தேவையில்லை! எல்லாரும் ஈசியா ஓட்டலாம் Zelio Eeva EV ஸ்கூட்டர்
Zelio Eeva: லைசென்ஸ், பதிவு செய்ய தேவையில்லை! எல்லாரும் ஈசியா ஓட்டலாம் Zelio Eeva EV ஸ்கூட்டர்
சீலியோ இ மொபிலிட்டி நிறுவனம் ஈவா எலக்ட்ரிக் ஸ்கூட்டரின் புதிய மேம்படுத்தப்பட்ட பதிப்பை வெளியிட்டுள்ளது. 120 கிமீ வரை பயணிக்கும் இந்த ஸ்கூட்டர் மணிக்கு 25 கிமீ வேகத்தில் செல்லும்.
மின்சார ஸ்கூட்டர்களுக்கான தேவை
இந்திய சந்தையில் எலக்ட்ரிக் ஸ்கூட்டர்களுக்கான தேவை வேகமாக அதிகரித்து வருகிறது. அதனால் பல நிறுவனங்கள் பல்வேறு வகையான எலக்ட்ரிக் ஸ்கூட்டர்களை அறிமுகப்படுத்தி வருகின்றன. சீலியோ இ மொபிலிட்டி நிறுவனம் ஈவா எலக்ட்ரிக் ஸ்கூட்டரின் புதிய மேம்படுத்தப்பட்ட பதிப்பை சமீபத்தில் வெளியிட்டது. இந்த புதிய பதிப்பில் ஸ்கூட்டரின் செயல்திறன் முன்பை விட சிறப்பாக உள்ளது. இந்த ஸ்கூட்டரைப் பற்றி இங்கே காண்போம்.
3 மாடல்களில் EV ஸ்கூட்டர்கள்
மூன்று மாடல்களில் ஈவா எலக்ட்ரிக் ஸ்கூட்டர் வெளியிடப்பட்டுள்ளது. இந்த ஸ்கூட்டரின் சிறப்பு அதன் அதிகபட்ச வேகம் மணிக்கு 25 கிமீ என்பதுதான். ஒரு முறை சார்ஜ் செய்தால் 120 கிமீ வரை பயணிக்கலாம். மணிக்கு 40 கிமீ வேகத்திற்குள் செல்லும் எலக்ட்ரிக் ஸ்கூட்டர்களுக்கு ஓட்டுநர் உரிமம் தேவையில்லை. எனவே இந்த ஸ்கூட்டரை ஓட்ட ஓட்டுநர் உரிமம் தேவையில்லை.
லித்தியம்-அயன், ஜெல் என இரண்டு பேட்டரி வகைகளில் சீலியோ ஈவா கிடைக்கிறது. லித்தியம்-அயன் பேட்டரியில் 60V/30AH அல்லது 74V/32AH என இரண்டு கட்டமைப்புகள் உள்ளன. 60V/30AH பேட்டரி ஒரு முறை சார்ஜ் செய்தால் 90 முதல் 100 கிமீ வரை பயணிக்கும். 74V/32AH பேட்டரி 120 கிமீ வரை பயணிக்கும்.
Zelio EV Scooter விலை
விலையைப் பொறுத்தவரை, 60V/30AH கட்டமைப்புக்கு ரூ.64,000, 74V/32AH கட்டமைப்புக்கு ரூ.69,000. ஜெல் பேட்டரியிலும் இரண்டு கட்டமைப்புகள் உள்ளன - 60V/32AH, 72V/42AH. 60V/32AH பேட்டரி ஒரு முறை சார்ஜ் செய்தால் 80 கிமீ பயணிக்கும். 72V/42AH பேட்டரி 100 கிமீ பயணிக்கும். 60V/32AH வகைக்கு ரூ.50,000, 72V/42AH வகைக்கு ரூ.54,000. அனைத்துமே எக்ஸ்-ஷோரூம் விலைகள். பேட்டரி வகையைப் பொறுத்து சார்ஜ் செய்யும் நேரம் மாறுபடும். லித்தியம்-அயன் மாடல்களுக்கு நான்கு மணி நேரம் ஆகும். ஜெல் வகைகளுக்கு 8 முதல் 10 மணி நேரம் ஆகும்.
EV ஸ்கூட்டரின் சிறப்புகள்
இந்த எலக்ட்ரிக் ஸ்கூட்டரின் தரை இடைவெளி 150 மிமீ, மொத்த எடை 85 கிலோ, சுமை தாங்கும் எடை 150 கிலோ. இருபுறமும் டிரம் பிரேக்குகள், 12 அங்குல சக்கரங்களில் 90/90 டயர்கள் உள்ளன. ஸ்கூட்டரின் ஸ்மார்ட் அம்சங்களைப் பற்றி கூறவேண்டுமென்றால், ஈவா 2025ல் டிஜிட்டல் டிஸ்ப்ளே, டேடைம் ரன்னிங் லைட்கள் (DRL), கீலெஸ் டிரைவ், ஆன்டி-தெஃப்ட் அலாரம், பார்க்கிங் கியர், யூஎஸ்பி சார்ஜிங் போர்ட், பயணிக்கான ஃபுட்ரெஸ்ட் போன்றவை உள்ளன. நீலம், சாம்பல், வெள்ளை, கருப்பு ஆகிய நிறங்களில் கிடைக்கிறது. இந்த எலக்ட்ரிக் ஸ்கூட்டருக்கு இரண்டு ஆண்டு வாரண்டியும், அனைத்து பேட்டரி வகைகளுக்கும் ஒரு ஆண்டு வாரண்டியும் நிறுவனம் வழங்குகிறது.