ஹோண்டா கார்களுக்கு நம்ப முடியாத தள்ளுபடி! இனி ஷோரூம்களில் கூட்டம் அலைமோதப் போகுது!
ஹோண்டா நிறுவனம் மார்ச் மாதத்தில் சிட்டி, எலிவேட் மற்றும் அமேஸ் மாடல்களுக்கு அசத்தலான சலுகைகளை அறிவித்துள்ளது. இது தொடர்பான முழு விவரங்களை இந்த செய்தியில் பார்க்கலாம்.
ஹோண்டா கார்களுக்கு தள்ளுபடி
ஹோண்டா கார்ஸ் இந்தியா, மார்ச் 2026-ல் தனது அனைத்து மாடல்களுக்கும் சலுகைகளை அறிவித்துள்ளது. சிட்டி, எலிவேட், அமேஸ் மாடல்களுக்கு ரொக்கத் தள்ளுபடி, எக்ஸ்சேஞ்ச் போனஸ் போன்றவை அடங்கும்.
ஹைப்ரிட் செடானுக்கு அதிகபட்ச தள்ளுபடி
மார்ச் மாதத்தில் சிட்டி e:HEV ஹைப்ரிட் செடானுக்கு அதிகபட்சமாக ரூ.1.97 லட்சம் வரை தள்ளுபடி கிடைக்கிறது. இதில் 126 hp, 1.5 லிட்டர் ஹைப்ரிட் பவர்டிரெய்ன் மற்றும் e-CVT கியர்பாக்ஸ் உள்ளது.
ஹோண்டா சிட்டி
பெட்ரோல் மாடலான ஹோண்டா சிட்டிக்கு ரூ.1.56 லட்சம் வரை சலுகை கிடைக்கிறது. இதில் 121 hp, 1.5 லிட்டர் பெட்ரோல் இன்ஜின் உள்ளது. 6-ஸ்பீடு மேனுவல் அல்லது CVT ஆட்டோமேட்டிக் கியர்பாக்ஸ் தேர்வுகள் உள்ளன.
எலிவேட் காருக்கு ரூ.1.81 லட்சம் தள்ளுபடி
மிட்சைஸ் எஸ்யூவி பிரிவில் உள்ள எலிவேட் காருக்கு ரூ.1.81 லட்சம் வரை தள்ளுபடி அறிவிக்கப்பட்டுள்ளது. சிட்டியில் உள்ள அதே 121 hp, 1.5 லிட்டர் பெட்ரோல் இன்ஜின் இதில் பயன்படுத்தப்படுகிறது. எலிவேட் காரின் விலை ரூ.11.6 லட்சம் முதல் ரூ.16.25 லட்சம் வரை உள்ளது. இந்த சலுகைகள் வாடிக்கையாளர்களுக்கு அதிக மதிப்பை அளிப்பதாக டீலர்கள் கூறுகின்றனர்.
இரண்டாம் மற்றும் மூன்றாம் தலைமுறை மாடல்கள்
ஹோண்டா தற்போது அமேஸின் இரண்டாம் மற்றும் மூன்றாம் தலைமுறை மாடல்களை விற்பனை செய்கிறது. பழைய மாடலுக்கு ரூ.68,000 வரை தள்ளுபடி கிடைக்கும். புதிய அமேஸ் மாடலுக்கு ரூ.57,000 வரை சலுகை உள்ளது. இரண்டு மாடல்களிலும் 90 hp, 1.2 லிட்டர் பெட்ரோல் இன்ஜின் பயன்படுத்தப்படுகிறது. 5-ஸ்பீடு மேனுவல் அல்லது CVT கியர்பாக்ஸ் உள்ளது.
விற்பனை அதிகரிக்கும்
புதிய அமேஸின் விலை ரூ.7.47 லட்சம் முதல் ரூ.10 லட்சம் வரை. பழைய மாடலின் விலை ரூ.6.98 லட்சம் முதல் ரூ.7.8 லட்சம் வரை. இந்த சலுகைகள் விற்பனையை அதிகரிக்கும் என எதிர்பார்க்கப்படுகிறது.
