Tyres : டயர்கள் ஏன் கருப்பு நிறத்தில் இருக்கு? வேற கலர்ல ஏன் தயாரிக்கப்படுவதில்லை தெரியுமா?

Why Tyres are black? கார், பைக், பஸ்னு எந்த வண்டியா இருந்தாலும், டயர் மட்டும் கருப்பு கலர்லதான் இருக்கும். இது ஏன் இப்படி இருக்குனு எப்போவாது யோசிச்சிருக்கீங்களா? இதுக்கு பின்னாடி ஒரு முக்கியமான அறிவியல் காரணம் இருக்கு.

Image Credit : AI Image

Why Tyres are black?

வாகனங்கள் கண்டுபிடிக்கப்பட்ட ஆரம்ப காலத்தில், டயர்கள் இயற்கையான ரப்பரில் செய்யப்பட்டன. அதனால், அவை வெள்ளை அல்லது வெளிர் பழுப்பு நிறத்தில் இருந்தன. ஆனால், இந்த டயர்கள் அதிக நாள் உழைக்கவில்லை. சாலையின் சூடு, வாகனத்தின் எடை மற்றும் உராய்வு காரணமாக சீக்கிரம் சேதமடைந்தன.

Image Credit : Social Media

கார்பன் பிளாக்

டயர் தயாரிப்பில், ரப்பருடன் 'கார்பன் பிளாக்' என்ற ஒரு பவுடர் சேர்க்கப்படுகிறது. இதுதான் டயர்களுக்கு கருப்பு நிறத்தைக் கொடுக்கிறது. ஆனால், நிறம் கொடுப்பது மட்டுமல்ல இதன் வேலை. கார்பன் பிளாக், ரப்பரை வலுவாக்கி, டயர்கள் சீக்கிரம் தேய்ந்து போகாமல் தடுக்கிறது. இதனால் டயரின் ஆயுள் கூடுகிறது.

Image Credit : FREEPIK

டயரின் ஆயுட்காலம் அதிகரிக்கும்

வண்டி ஓடும்போது, டயர்கள் சாலையுடன் உரசி சூடாகின்றன. குறிப்பாக, வெயில் காலத்தில் இந்த சூடு அதிகமாக இருக்கும். கார்பன் பிளாக் இந்த வெப்பத்தைக் கட்டுப்படுத்த உதவுகிறது. இது அதிக வெப்பத்தால் டயர் பலவீனமடைவதைத் தடுக்கிறது. இதனால் டயரின் ஆயுட்காலம் அதிகரிக்கிறது.

Image Credit : our own

கருப்பு நிற டயர்களின் பிளஸ் என்ன?

கருப்பு நிற டயர்கள் வாகனப் பாதுகாப்பிலும் முக்கியப் பங்கு வகிக்கின்றன. கார்பன் பிளாக் சேர்க்கப்பட்ட டயர்கள் சாலையில் நல்ல கிரிப் (பிடிமானம்) கொடுக்கின்றன. இதனால், பிரேக் பிடிக்கும்போது வண்டி கட்டுப்பாட்டை இழக்காது. மழைக்காலத்திலும், அதிவேகத்திலும் கூட டயர்கள் சாலையில் நல்ல பிடிப்பைக் கொண்டிருக்கும்.

Image Credit : Google

வேறு நிறங்களில் டயர்கள் தயாரிக்கப்படாதது ஏன்?

முன்பு சில நிறுவனங்கள் சிவப்பு, நீலம், வெள்ளை போன்ற நிறங்களில் டயர்களைத் தயாரிக்க முயற்சித்தன. ஆனால், அவை கருப்பு டயர்களைப் போல வலுவாகவும், நீடித்து உழைப்பதாகவும் இல்லை. வெப்பத்தைத் தாங்கும் திறனும் குறைவாக இருந்தது. இதனாலேயே, மக்கள் கருப்பு டயர்களை விரும்பினர். இன்றுவரை அதுவே தொடர்கிறது.