- Home
- Astrology
- Zodiac Signs: இந்த 4 ராசிக்காரங்க மாமியார் வீட்டில் மகாராணி மாதிரி வாழ்வாங்களாம்.! உங்க ராசி இருக்கான்னு பாருங்க
Zodiac Signs: இந்த 4 ராசிக்காரங்க மாமியார் வீட்டில் மகாராணி மாதிரி வாழ்வாங்களாம்.! உங்க ராசி இருக்கான்னு பாருங்க
ஜோதிடத்தின் படி சில ராசியில் பிறந்த பெண்கள் தங்கள் மாமியார் வீட்டில் சிறப்பான மதிப்போடு ராணியைப் போன்ற வசதியான வாழ்வை பெறுவார்கள் என்று நம்பப்படுகிறது. அந்த ராசிகள் எவை? அவர்களின் குணாதிசயங்கள் என்ன? என்பது குறித்து இந்த பதிவில் பார்க்கலாம்.
Zodiac Signs:
பொதுவாக ஒவ்வொரு பெண்ணின் திருமண வாழ்க்கை மற்றும் புகுந்த வீட்டின் உறவுகள் தனிப்பட்ட ராசிகளை மட்டும் சார்ந்தது அல்ல. அது அவர்களின் குணம், சூழ்நிலைகள், புரிதல், கணவர், மாமனார், மாமியார் உள்ளிட்டோரின் இயல்பைப் பொறுத்தது. இருப்பினும் ஜோதிடத்தின் படி சில ராசிகளில் பிறந்த பெண்கள் மாமியார் வீட்டில் சிறப்பான உறவையும், மதிப்பையும் பெற்று வாழ்வார்கள் என்று நம்பப்படுகிறது. இந்த ராசி பெண்கள் கொண்டிருக்கும் சில பொதுவான குணாதிசயங்களில் அடிப்படையில் இந்த நம்பிக்கை உருவாகிறது. அந்த ராசிகள் என்ன என்பது குறித்து இங்கு காணலாம்.
சிம்மம்:
சிம்ம ராசிப் பெண்கள் இயல்பாகவே தலைமைப் பண்பு கொண்டவர்களாக விளங்குகின்றனர். இவர்கள் ராணி போன்ற கம்பீரமான தோற்றத்தையும், தன்னம்பிக்கையும் கொண்டவர்கள். அவர்கள் தங்கள் குடும்பத்தில் மரியாதை செலுத்தப்பட வேண்டும் என்று எதிர்பார்ப்பார்கள். இந்த குணங்கள் அவர்களது மாமியார் வீட்டில் அவர்களுக்கென ஒரு தனி இடத்தை பெற்று தரும். இவர்களின் தன்னம்பிக்கை, தாராள குணம், நேர்மை, தலைமைப் பண்பு, அன்பான சுபாவம் ஆகியவை புகுந்த வீட்டில் பெருமைகளைத் தேடி தரும். தங்கள் திறமையாலும், அன்பாலும் மாமியார் மற்றும் குடும்பத்தினரின் மரியாதையை எளிதில் வென்று விடுவார்கள். குடும்பத்தில் இவர்களது ஆலோசனைக்கு மதிப்பு கொடுக்கப்படும். ஒரு ராணி போல தங்களது கருத்துக்களை முன் வைப்பார்கள்.
கடகம்:
கடக ராசிப் பெண்கள் பாசம் நிறைந்தவர்கள். அன்பானவர்கள். குடும்பப் பற்று மிக்கவர்கள். இவர்களுக்கு இயற்கையிலேயே உறவுகளுக்கு முக்கியத்துவம் கொடுக்கும் தன்மை உண்டு. தாய்மை குணம் கொண்ட இவர்கள் குடும்பத்தை அரவணைத்துச் செல்ல வேண்டும் என்ற எண்ணம் கொண்டிருப்பார்கள். பாசம், உணர்ச்சி பூர்வம், குடும்பப் பற்று, அக்கறை, பாதுகாப்பு உணர்வு, விட்டுக் கொடுக்கும் குணம் ஆகியவை இவர்களது குணங்களாக கூறப்படுகிறது. இவர்கள் தங்கள் கணவர் மற்றும் மாமியார் குடும்பத்தினரை சொந்த குடும்பமாகவே பாவித்து அன்பு செலுத்துவார்கள். மாமியாரின் தேவையைப் புரிந்து கொண்டு செயல்படுவார்கள். புகுந்த வீட்டின் முன்னேற்றத்திற்காக தனது முழு உழைப்பை கொடுப்பார்கள். இதன் காரணமாக புகுந்த வீட்டின் முழு அன்பையும், ஆதரவையும் பெற்று வீட்டில் ஒரு முக்கிய தூணாக விளங்குவார்கள்.
துலாம்:
துலாம் ராசிப் பெண்கள் இயல்பாகவே நியாயமானவர்கள், சமநிலையானவர்கள் மற்றும் அமைதியை விரும்புபவர்கள். இவர்கள் சண்டைகள் மோதல்களை தவிர்த்து அனைவரிடமும் நல்லுறவை பேணுவதை விரும்புவார்கள். இவர்களின் ராஜதந்திர பேச்சுத் திறன், புகுந்த வீட்டில் உறவுகளை சுமுகமாக்க உதவும். இவர்கள் அழகு மிக்கவர்களாகவும், சமூக அக்கறை கொண்டவர்களாகவும், ராஜதந்திரம், நியாயம், சமநிலை, நல்லுறவைப் பேணும் குணங்களை கொண்டிருப்பர். இவர்களின் சமரச குணமும், அனைவரையும் அரவணைத்துச் செல்லும் பண்பும், புகுந்த வீட்டில் இவருக்கு நல்ல பெயரை பெற்று தரும். எந்த ஒரு பிரச்சனையாக இருந்தாலும் அதை அமைதியாகவும் ராஜதந்திர முறையில் கையாண்டு அனைவரும் விரும்பும் மருமகள்களாக இருப்பார்கள். மாமியார் இவர்களை ஒரு ஆலோசகராகவும், குடும்ப உறுப்பினராகவும் மதிப்பார்கள்.
மீனம்:
மீன ராசிப் பெண்கள் மிகவும் மென்மையானவர்கள், அனுதாபம் கொண்டவர்கள். இவர்களுக்கு இயல்பிலேயே தியாக மனப்பான்மை உண்டு. மற்றவர்களின் உணர்வுகளை எளிதில் புரிந்து கொள்வார்கள். கற்பனை திறன் அதிகம் உள்ள இவர்கள் சில சமயங்களில் கனவுலகில் வாழ்பவர்கள் போல தோன்றினாலும், உறவுகளுக்காக மிக உண்மையாக இருப்பார்கள். எளிதில் அனுசரித்துப் போகும் குணம், படைப்பாற்றல், தியாகம், கருணை, அனுதாபம் ஆகியவை இவர்களது குணாதிசயங்கள். இவர்களின் விட்டுக் கொடுக்கும் குணம், மாமியாரின் ஆசைகளையும், உணர்வுகளையும் மதிக்கும் தன்மை அவர்களுக்கு மிகவும் பிடித்தமானதாக இருக்கும். இவர்கள் மென்மையான அணுகுமுறை மூலம் மாமியாரின் அன்பையும் பாதுகாப்பையும் பெற்று அமைதியான வாழ்க்கையை வாழ்வார்கள்.
(மேற்குறிப்பிடப்பட்ட ராசியினர் மட்டுமே புகுந்த வீட்டில் ராணி போல வாழ்வார்கள் என்பது பொருள் கிடையாது. இவர்களுக்கு சில குணாதிசயங்கள் இருப்பதால் ஜோதிடத்தின் படி இவர்களுக்கு மாமியார் வீட்டில் மகாராணி போல வாழும் வாய்ப்பு கிடைப்பதாகவே இந்த கட்டுரையில் விளக்கப்பட்டுள்ளது. இருப்பினும் எந்த ஒரு ராசியைச் சேர்ந்த பெண்களும் தங்கள் அணுகுமுறை மற்றும் புரிதலுடன் மாமியார் வீட்டில் நல்லுறவை பேண முடியும் என்பதை நினைவு கொள்ளுங்கள். இந்த தகவல்கள் இணையத்தில் கிடைக்கும் அனுமானங்கள் மற்றும் ஜோதிடர்கள் வெளிப்படுத்திய கருத்துக்கள் அடிப்படையிலானவை மட்டுமே. இதற்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது. உங்களுக்கு வேறு ஏதேனும் சந்தேகங்கள் இருந்தால் அனுபவம் மிக்க ஜோதிடரை அணுகி ஆலோசனை செய்வது நல்லது)