ரகசியங்களின் 'லாக்கர்' இவங்கதான்! ரகசியத்தை காப்பதில் கில்லாடியான 5 ராசிகள்
யார்ட்டயும் சொல்ல மாட்டேன்னு சத்தியம் பண்ணு என்று நாம் பலரிடம் ரகசியங்களைச் சொல்வோம். ஆனால் அடுத்த ஒரு மணி நேரத்தில் அது ஊருக்கே தெரிந்துவிடும். இந்த 5 ராசிக்காரர்களிடம் ஒரு ரகசியத்தைச் சொன்னால், அதை அப்படியே சாவி இல்லாத பூட்டாக மாற்றிவிடுவார்கள்.
விருச்சிகம் :
ரகசியங்களை காப்பதில் இவர்களை அடித்துக்கொள்ள ஆளே இல்லை. ஒரு விஷயத்தை இவர்களிடம் சொன்னால், அதைத் தன் மரணம் வரை கூட வெளியில் சொல்ல மாட்டார்கள். இவர்களுக்கே தெரியாமல் இவர்களிடம் பல ரகசியங்கள் தூங்கிக் கொண்டிருக்கும். இவர்களை 'மனித லாக்கர்' என்றே சொல்லலாம்!
மகரம் :
மகர ராசிக்காரர்கள் எமோஷனலாகப் பேசி ரகசியங்களை உளறுபவர்கள் அல்ல. ஒருமுறை உங்களிடம் "நான் வெளியில் சொல்ல மாட்டேன்" என்று வாக்குக் கொடுத்துவிட்டால், உலகமே அழிந்தாலும் அதை யாரிடமும் பகிர்ந்து கொள்ள மாட்டார்கள். இவர்களின் மௌனமே இவர்களின் பலம்.
கடகம் :
கடக ராசிக்காரர்களிடம் நீங்கள் ஒரு ரகசியத்தைச் சொல்கிறீர்கள் என்றால், உங்கள் மீதுள்ள பாசத்தினாலும், உங்கள் உணர்வுகளுக்கு மதிப்பளித்துமே அதைக் காப்பார்கள். உங்களை காயப்படுத்தக் கூடாது என்பதில் மிகக் கவனமாக இருக்கும் இவர்கள், உங்கள் ரகசியங்களைத் தங்களின் சொந்த ரகசியம் போல் பாதுகாப்பார்கள்.
ரிஷபம் :
ரிஷப ராசிக்காரர்கள் இயற்கையிலேயே கொஞ்சம் பிடிவாத குணம் கொண்டவர்கள். யாராவது இவர்களை வற்புறுத்தி, "அவன் என்ன சொன்னான்?" என்று கேட்டால், இவர்களின் பிடிவாதம் இன்னும் அதிகமாகுமே தவிர, ஒரு வார்த்தை கூட வெளியே வராது. இவர்களிடம் ரகசியங்களைச் சொல்லிவிட்டு நீங்கள் நிம்மதியாகத் தூங்கலாம்.
கன்னி :
கன்னி ராசிக்காரர்கள் மிகவும் புத்திசாலிகள். ஒரு ரகசியத்தை வெளியில் சொன்னால் என்ன மாதிரியான விளைவுகள் ஏற்படும் என்பதை முன்கூட்டியே கணக்குப் போட்டு விடுவார்கள். அந்தப் பிரச்சனை தேவையில்லை என்று நினைத்து, அந்த ரகசியத்தை மூளைக்குள் ஒரு தனி போல்டர் போட்டு லாக் செய்துவிடுவார்கள்.
