Will simbu AAA film satisfy the audiences?

குறிப்பிட்ட தேதியில் சிம்பு நடித்தப் படங்கள் வெளியாகிறது என்பது ஆச்சர்யமான விஷயம். அந்த ஆச்சர்யத்தை நிகழ்த்திக் கொண்டிருக்கிறது திரிஷா இல்லனா நயன்தாரா இயக்குனர் ஆதிக் ரவிச்சந்திரன் இயக்கத்தில் சிம்பு, ஸ்ரேயா சரண், தமன்னா நடிப்பில் ‘அன்பானவன் அசராதவன் அடங்காதவன்’ படம்.

இந்தத் திரைப்படத்தை 1000 தியேட்டர்களில் வெளியிட படக்குழுத் திட்டமிட்டுள்ளது.

கடந்த ஜூன் 17ஆம் தேதி வெளியான ‘ரத்தம் என் ரத்தம்’ பாடல் ரசிகர்களின் கவனத்தை ஈர்த்தது.

முழுக்க ரசிகர்கள் புகழ்பேசும் பாடலாக வைரமுத்து எழுதிய உணர்ச்சிபூர்வமான வார்த்தைகள் ரசிகர்களை எழுச்சிகொள்ள வைத்துள்ளது.

இப்படத்தை தமிழ்நாட்டில் மட்டும் 450-க்கும் மேற்பட்ட தியேட்டர்களில் வெளியிட திட்டமிட்டுள்ளனர். 

இப்படம், கேரளாவில் 75 தியேட்டர்களிலும், கர்நாடகாவில் 50 தியேட்டர்களிலும், வட இந்தியாவில் 50 தியேட்டர்களிலும் இப்படம் வெளியாக உள்ளது. வெளிநாடுகளில் 350-க்கும் மேற்பட்ட தியேட்டர்களிலும், இலங்கையில் மட்டுமே 40-க்கும் மேற்பட்ட தியேட்டர்களிலும் வெளியாகிறது. 

தற்போதைய தகவலின்படி, உலகம் முழுக்க ஏறக்குறைய 1000 தியேட்டர்களில் வெளியாவதன் மூலம் சிம்பு நடித்த படங்களிலேயே அதிக எண்ணிக்கையில் வெளியாகும் படம் என்ற பெருமையும் ‘AAA’ படத்துக்குக் கிடைத்திருக்கிறது.

இப்படத்தில் இடம்பெறும் ‘மதுரை மைக்கேல் & அஸ்வின் தாத்தா’ கேரக்டர்களின் தீம் மியூசிக் நேற்று முன்தினம் (ஜூன் 20) யூடியூப்பில் வெளியாகி எக்கச்சக்கமாக லைக்ஸ் ஷேர் குவித்து எதிர்பார்ப்பை உண்டாக்கியுள்ளது. 

இப்படம், வருகிற ஜூன் 23ஆம் தேதி ரம்ஜான் ஸ்பெஷலாக வெளிவருகிறது. இதே நாளில், ஜெயம் ரவியின் ‘வனமகன்’ படமும் ரிலீஸாகவுள்ளது. எனவே, இப்படம் ரசிகர்களின் எதிர்பார்ப்பைப் பூர்த்தி செய்யுமா என்பது ரம்ஜானில் தெரிந்துவிடும்.