கொம்பு வைத்த காளை போல் புல்லட்டில் சீறி வரும் விக்ரம்..! வெறித்தனமாக வெளியான 'மஹான்' ஃபர்ஸ்ட் லுக்!
நடிகர் விக்ரம் மற்றும் அவரது மகன் துருவ் இருவரும் இணைத்து நடித்துள்ள, 60 ஆவது படத்தின் ஃபர்ஸ்ட் லுக் மற்றும் படத்தின் பெயர் 'மஹான்' என படக்குழுவினர் அறிவித்துள்ளனர்.
நடிகர் விக்ரம் மற்றும் அவரது மகன் துருவ் இருவரும் இணைத்து நடித்துள்ள, 60 ஆவது படத்தின் ஃபர்ஸ்ட் லுக் மற்றும் படத்தின் பெயர் 'மஹான்' என படக்குழுவினர் அறிவித்துள்ளனர்.
முதல் முறையாக நடிகர் விக்ரம் மற்றும் அவரது மகன் துருவ், இருவரும் இணைந்து 'விக்ரம் 60 ' படத்தில் நடித்து வருகிறார்கள். இந்த படத்தை, இளம் இயக்குனர் கார்த்திக் சுப்புராஜ் இயக்குகிறார். கொரோனா பிரச்சனை காரணமாக இந்த படத்தின் படப்பிடிப்பு நிறுத்தப்பட்ட நிலையில், சமீபத்தில் மத்திய - மாநில அரசுகள், படப்பிடிப்புக்கு சில கட்டுப்பாடுகளுடன் கூடிய அனுமதி கொடுத்துள்ளதால், மீண்டும் துவங்கியது.
அதன்படி, 'விக்ரம் 60 ' படத்தின் இறுதிக்கட்ட படப்பிடிப்பு சமீபத்தில் தான் டார்ஜிலிங்கில் நடந்து முடிந்தது. பொன்னியின் செல்வன், மற்றும் கோப்ரா ஆகிய படங்களில் பிசியாக நடித்து கொண்டிருந்த போதிலும், இந்த படத்தில் நடித்து முடித்தார் விக்ரம். இந்நிலையில் இந்த படத்தின் வெறித்தனமான ஃபஸ்ட் லுக் மற்றும் படத்தின் பெயர் 'மஹான்' என்பதையும் படக்குழு அறிவித்துள்ளனர்.
இதில் விக்ரமை சுற்றி 16 கைகள் இருக்கு, அவர் கொம்பு முளைத்த காளையாக புல்லட் ஓட்டி வருவது போல் உள்ளது. ஏற்கனவே இந்த படத்தில் விக்ரம் கேங் ஸ்டாராக நடிக்கிறார் என்ற தகவல் வெளியானதை தொடர்ந்து, இதனை உறுதி படுத்து விதமாக இந்த போஸ்டர் அமைத்துள்ளது. மேலும், படத்தின் மீதான எதிர்பார்ப்பும் ரசிகர்களுக்கு அதிகரித்துள்ளது.
இந்த படத்தில் துருவுக்கு ஜோடியாக நடிகை வாணி போஜன் நடித்து வருகிறார். விக்ரமுக்கு ஜோடியாக சிம்ரன் நடிக்கிறார் என கூறப்படுகிறது. சந்தோஷ் நாராயணன் இசையமைத்து வரும் இந்த படத்தை, மிக பிரமாண்டமாக தயாரித்து வருகிறது, 7 ஸ்கிரீன் ஸ்டுடியோ நிறுவனம். கூடிய விரைவில் இந்த படத்தின் டீசர் ரிலீஸ் குறித்த தகவலும் வெளியாகலாம் என எதிர்பார்க்கப்படுகிறது.