கோவை ஈஷா அறக்கட்டளை.. ஜோராக நடைபெறும் விக்கியின் LIC பட ஷூட்டிங் - வெளியான சில ருசிகர தகவல்கள் இதோ!
Vignesh Shivan LIC Movie : விக்னேஷ் சிவன் இயக்கத்தில், பிரபல இயக்குனர் பிரதீப் ரங்கநாதன் நாயகனாக நடிக்கும் Love Insurance Corporation படம் உருவாகி வருகின்றது.
கடந்த 2012 ஆம் ஆண்டு வெளியான சிம்புவின் "போடா போடி" திரைப்படத்தின் மூலம் இயக்குனராக தமிழ் திரை உலகில் களமிறங்கியவர் தான் விக்னேஷ் சிவன். அதன் பிறகு தமிழ் மொழியில் வெளியான நானும் ரௌடி தான், தானா சேர்ந்த கூட்டம் மற்றும் காத்து வாக்குல ரெண்டு காதல் உள்ளிட்ட திரைப்படங்களை இயக்கி புகழ்பெற்றார் விக்னேஷ் சிவன்.
கடந்த 2022 ஆம் ஆண்டு பிரபல நடிகை லேடி சூப்பர் ஸ்டார் நயன்தாரா அவர்களை திருமணம் செய்து கொண்ட நிலையில் சுமார் இரண்டு ஆண்டுகள் கழித்து தனது அடுத்த பட பணிகளை தற்போது துவங்கியுள்ளார். பிரபல இயக்குனர் பிரதீப் ரங்கநாதன் முதல் முறையாக மற்றொரு இயக்குனர் இயக்கத்தில் நடிக்கும் திரைப்படமாக மாறி உள்ளது LIC.
தற்போது எல்ஐசி பட படப்பிடிப்பு கோவையில் உள்ள ஈஷா அறக்கட்டளையில் நடந்து வருகிறது. பிரபல அரசியல் தலைவர் சீமான் அவர்கள் இந்த திரைப்படத்தில் முக்கிய கதாபாத்திரத்தில் நடித்து வரும் நிலையில். அவருடைய நடிப்பை கண்டு பட குழுவினர் பிரமித்துள்ளதாகவும், இந்த திரைப்படத்திற்கு பிறகு குணச்சித்திர கதாபாத்திரத்தில் சீமானுக்கு மிகப்பெரிய வரவேற்பு கிடைக்கும் என்றும் கூறப்படுகிறது.
அது மட்டும் இல்லாமல் எல்ஐசி திரைப்படம் தான் ஈஷா அறக்கட்டளையில் எடுக்கப்படும் முதல் திரைப்படமாக அமைந்திருக்கிறது. கங்கன ராணாவத்திற்கு கூட கிடைக்காத ஒரு அனுமதி, விக்னேஷ் சிவனுக்கு கிடைத்துள்ளதாக கூறப்படுகிறது. மேலும் 7 நாட்கள் அங்கு ஷூட்டிங் நடக்கவுள்ள நிலையில் விரைவில் சீமான், சத்குருவை சந்திக்க வாய்ப்புள்ளதாக கூறப்படுகிறது.
சேனலை கிளிக் செய்து பின்தொடரவும்
