அட.. இந்த படத்திலும் வைகைப்புயல் பாட்டிருக்கா?..இசையமைப்பாளர் பகிர்ந்த கலக்கல் வீடியோ..
இசையமைப்பாளர் சந்தோஷ் நாராயணன் நாய் சேகர் படத்திற்காக வைகைப்புயல் வடிவேலு குரல் கொடுக்கும் வாய்ஸ் ஸ்டுடியோ வீடியோவை வெளியிட்டுள்ளார்...
நகைச்சுவை நடிகர் வடிவேலு (Vadivelu), தற்போது தமிழ் சினிமாவில் பிசியாக நடித்து வருகிறார். இவர் நடிப்பில் தற்போது ‘நாய் சேகர் ரிட்டர்ன்ஸ்’ திரைப்படம் தயாராகி வருகிறது. சுராஜ் இயக்கத்தில் உருவாகும் இப்படத்தில் வடிவேலு முதன்மை கதாபாத்திரத்தில் நடிக்கிறார். இப்படத்தில் ஹீரோயினாக சிவானியும், பிரியா பவானி சங்கரும் நடித்து வருவதாக கூறப்படுகிறது.
மேலும் குக் வித் கோமாளி பிரபலம் சிவாங்கி, டாக்டர் மற்றும் பீஸ்ட் பட பிரபலம் ரெடின் கிங்ஸ்லி, நடிகர் ஆனந்தராஜ், ஆர்.ஜே.விக்னேஷ் காந்த் ஆகியோர் இப்படத்தில் முக்கிக கதாபாத்திரத்தில் நடிக்கின்றனர். முழுக்க முழுக்க நகைச்சுவை படமாக தயாராகி வரும் இப்படத்திற்கு சந்தோஷ் நாராயணன் (santhosh Narayanan) இசையமைக்கிறார். லைகா நிறுவனம் தயாரிக்கும் இப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது.
இப்படத்தில் நடிக்கும் காமெடி நடிகர்களுடன் நடிகர் வடிவேலு எடுத்துக்கொண்ட புகைப்படம் ஒன்று வைரலாகி வருகிறது. அந்த புகைப்படத்தில் பிரபல நகைச்சுவை நடிகர்கள் ரெடின், கலக்கப் போவது யாரு பிரபலம் ராமர் மற்றும் லொள்ளு சபா நட்சத்திரங்களான மாறன் சேஷு ஆகியோர் இடம்பெற்றுள்ளனர். இதைப் பார்த்த ரசிகர்கள், நாய்சேகர் ரிட்டர்ன்ஸ் படத்தில் கன்பாஃர்ம் காமெடி விருந்து இருக்கும் போல என கமெண்ட் செய்து வருகின்றனர்.
நாய்சேகர் ரிட்டர்ன்ஸ் (Naaisekar returns) படத்தின் இயக்குனர் சுராஜ் ஏற்கனவே தமிழில் சுந்தர் சி நடித்த தலைநகரம், அர்ஜுனின் மருதமலை, தனுஷின் படிக்காதவன், மாப்பிள்ளை போன்ற படங்களையும், கார்த்தி நடித்த அலெக்ஸ் பாண்டியன், ஜெயம் ரவியின் சகலகலா வல்லவன், விஷாலின் கத்தி சண்டை போன்ற படங்களை இயக்கி உள்ளார் என்பது குறிப்பிடத்தக்கது.
இந்நிலையில் இசையமைப்பாளர் சந்தோஷ் நாராயணன் நாய் சேகர் படத்திற்காக வைகைப்புயல் வடிவேலு குரல் கொடுக்கும் வாய்ஸ் ஸ்டுடியோ வீடியோவை வெளியிட்டுள்ளார்... அதில் வடிவேலு படுவது போன்ற காட்சி இடம்பெற்றுள்ளது..
சேனலை கிளிக் செய்து பின்தொடரவும்
