ultimate star refused but this actor taste the victory by taking risk
தமிழில் தளபதி விஜய் நடித்து சூப்பர் ஹிட் ஆன திரைப்படம் கில்லி. இயக்குனர் தரணி-ன் இயக்கத்தில் விஜய் மற்றும் திரிஷா இணைந்து நடித்த இந்த திரைப்படம், ஏற்கனவே தெலுங்கில் ரிலீசாகி நல்ல வரவேற்பை பெற்றிருந்த ”ஒக்கடு” எனும் படத்தின் ரீமேக்.
இந்த படத்தில் முதலில் நடிக்கவிருந்தவர் அல்டிமேட் ஸ்டார் அஜீத் தான். இந்த படத்தின் கதையை அவரிடம் கூறிய போது, கதை நன்றாக இருக்கிறது ஆனால் ரீமேக் என்பதால் அந்த அளவிற்கு போகுமா? என்ற சந்தோகத்தில் இந்த படத்தில் நடிக்க மறுத்துவிட்டார்.
அந்த சமயத்தில் ரிலீசான சில ரீமேக் திரைப்படங்கள் படு தோல்வியை அடைந்திருந்தன. அதனால் தான் அஜீத் எச்சரிக்கை உணர்வுடன் அப்படி கூறியிருக்கிறார். ஆனால் ரிஸ்க் எடுக்க தயாராக இருந்த விஜய், தொடர்ந்து கில்லி படத்தில் நடித்து அது சூப்பர் ஹிட் ஆகவும் செய்தது.
தெலுங்கில் இத்திரைப்படத்தில் நடித்திருந்த ”மகேஷ் பாபு, பூமிகா” ஜோடியை விட ”விஜய், திரிஷா” ஜோடிதான் மக்கள் மனதில் இடம் பிடித்தது. இந்த திரைப்படத்தை தொடர்ந்து பல திரைப்படங்களில் ”விஜய், திரிஷா” ஜோடி சேர்ந்து நடித்திருந்தனர். அதேபோல திரிஷா மற்றும் பிரகாஷ் ராஜ்-ன் திரையுலக வாழ்க்கையில் ஒரு திருப்புமுனையாக அமைந்ததும் இந்த படம் தான்.
