Snehan kisses: இனி இப்படி கிஸ் பண்ணாதீங்க..அப்புறம் இது தான் நடக்கும்...நேரலையில் செல்லமாக மிரட்டிய கன்னிகா..
Snehan kisses Video: நேரலையில் முத்தம் தராதீங்க, என சினேகனை அவருடைய மனைவி கன்னிகா அன்பாக எச்சரிக்கும் வீடியோ இணையத்தில் வைரலாகி வருகிறது.
கவிஞர் சினேகன், தமிழ் திரையுலகில் எத்தனையோ ஹிட் பாடல்களை கொடுத்தவர். இதுவரை 700க்கும் மேற்பட்ட படங்களில் 2 ஆயிரத்து 500க்கும் அதிகமான பாடல்களை எழுதியவர். பூமி வீரன் உள்ளிட்ட ஒரு சில படங்களில் முக்கிய கதாபாத்திரங்களில் நடித்துள்ளார்.
பிக்பாஸ் நிகழ்ச்சி:
இருப்பினும், இவரை மக்கள் மத்தியில் கொண்டு போய் சேர்த்து, பிக்பாஸ் நிகழ்ச்சியாகும். ஆம், இவர் முதல் பிக்பாஸ் சீசனில் கலந்துகொண்டு கட்டி பிடி சினேகன் என்ற பெயரில் பட்டி, தொட்டி எல்லாம் பிரபலமானார். அதன் பின்னர் அந்நிகழ்ச்சியை தொகுத்து வழங்கிய உலக நாயகன் கமல் ஹாசனின் மக்கள் நீதி மய்யம் கட்சியில் தன்னை இணைத்துக்கொண்டார்.
கவிஞர் சினேகன்-கன்னிகா திருமணம்:
இதையடுத்து, சினேகன், பிரபல நடிகையான கன்னிகா ரவியை காதலித்து கமல் ஹாசன் முன்னிலையில், திருமணம் செய்து கொண்டார். திருமணத்திற்கு பிறகு, பிக்பாஸ் அல்டிமேட் நிகழ்ச்சியில் கலந்துகொண்டார், ஆனால் இடையிலேயே வெளியேறினார். இவருடைய மனைவி, கன்னிகா நன்றாக கம்பு சுற்றுவார். இது தொடர்பான வீடியோ வெளியாகி வைரலாகி இருந்தது.
லைவ் வீடியோ அட்ராசிட்டி:
இந்நிலையில், தற்போது வெளி வந்துள்ள புதிய வீடியோவில் ''தான் வரைந்த ஓவியம் எப்படி இருக்கிறது'' என்று கன்னிகா கேட்கிறார். அதற்கு சினேகன், ''உன்னை போன்றே மிகவும் அழகாக இருக்கிறது'' என்று கூறியபடி முகத்தில் முத்தம் கொடுக்கிறார். உடனே, ''கன்னிகா இப்படி எல்லாம் நேரலையில் செய்யாதீங்க, ரொம்ப கேவலமா திட்டுறார்கள்'' என வீடியோவை உடனே கட் செய்து, நான் வீடியோ விட மாட்டேன் என்கிறார். தற்போது இது தொடர்பான வீடியோ இணையத்தில் தீயாய் பரவி வருகிறது.