ரஜினிகாந்த் அரசியலுக்கு வரமாட்டார்... அடித்து கூறும் ஆர்.ஜே.பாலாஜி...
சூப்பர் ஸ்டார் ரஜினிகாந்த் போர் வரும்போது பார்த்துக்கொள்வோம் என கூறியது அரசியலை பற்றி தான் என பல்வேறு அரசியல் தலைவர்கள், திரையுலக பிரபலங்கள் என பலரும் தங்களுடைய கருத்தை முன் வைத்து வருகின்றனர்.
கிட்டத்தட்ட அனைவருமே அவர் அரசியலுக்கு வந்துவிடுவார் என்றே கூறி வருகின்றனர். ஒருசிலர் மட்டும் அவர் வரமாட்டார், வரவேண்டாம் என்று கூறி வருகின்றனர்.
தற்போது இது குறித்து பிரபல நகைச்சுவை நடிகர் ஆர்.ஜே.பாலாஜி, கூறியபோது , ரஜினிகாந்த் அரசியலுக்கு வருவார் என்ற நம்பிக்கை எனக்கு இல்லை' என அடித்து கூறியுள்ளார்.
மேலும் அவர் கூறுகையில், ரஜினிகாந்த் ஒவ்வொரு முறைபேசும்போதும் அரசியலுக்கு வருவது காலத்தின் கையில், ஆண்டவன் கையில் என்று 25 வருஷமா கூறி வருகிறார்.
நான் தீவிரமான சூப்பர் ஸ்டார் ரசிகன் என்ற முறையில் சொல்றேன். அவர் அரசியலுக்கு வருவார் என்ற நம்பிக்கை எனக்கு இல்லை'
மேலும் ரஜினி தனது படங்கள் வெளியாகும்போது மட்டும் அரசியல் குறித்து பேசுவதாக எழுந்த குற்றச்சாட்டு குறித்து ஆர்ஜே பாலாஜி கூறியபோது, 'யாராவது புது ஹீரோ இப்படிப் பண்ணினால் `ஸ்டன்ட்'னு சொல்லலாம்.
ஆனால், சூப்பர் ஸ்டார் படம் ரிலீஸ் ஆச்சுன்னா, இந்தியா முழுவதும் உள்ள நியூஸ் சேனலில் விவாதமே நடத்துறாங்க. `ஷாரூக்கான்கிட்ட இல்லாதது, அமீர்கான்கிட்ட இல்லாதது, சூப்பர் ஸ்டார்கிட்ட என்ன இருக்கு?'னு அதனால, படம் ஓடவைக்கணும்னு ஸ்டன்ட் மாதிரி எனக்குத் தெரியலை. ஆனா, 99.99 சதவிகிதம் ரஜினி, அரசியலுக்கு வர மாட்டார்' என்று கூறினார்.
சேனலை கிளிக் செய்து பின்தொடரவும்
