’கடவுளே உங்கள சின்ன ரூமுக்குள்ள வச்சிக் கும்பிடுறேன்னு தப்பா நினைக்காதீங்க. நான் அரசியல்ல பெரிய ஆள் ஆனவுடனே உங்க எல்லாருக்கும் 3000 கோடி ரூபாய்ல சிலை வடிச்சிக் கும்பிடுறேன்’ என்று பிரதமர் மோடி தொடங்கி தெர்மாகோல் அமைச்சர் செல்லூர் ராஜூ வரை வச்சு செய்திருக்கிறார் நடிகர் பாலாஜி.

நடிகரும் பிரபல பண்பலை தொகுப்பாளருமான ஆர்.ஜே.பாலாஜி நடித்துள்ள எல்.கே.ஜி படத்தின் டிரைலர்நேற்று ‘இளையராஜா 75’ நிகழ்ச்சியில்  வெளியாகி வைரலாகி வருகிறது.’வடகறி’, ’நானும் ரவுடி தான்’, ’காற்று வெளியிடை’ உள்ளிட்ட படங்களில் நகைச்சுவை நடிகராக நடித்தவர் பண்பலை தொகுப்பாளர் ஆர்.ஜே.பாலாஜிபுதுமுக இயக்குநர் கே.ஆர்.பிரபு இயக்கும் ’எல்.கே.ஜி’ படத்தில்  கதாநாயகனாக நடித்துள்ளார். இப்படத்திற்கான கதையை ஆர்.ஜே.பாலாஜி மற்றும் அவரது நண்பர்கள் எழுதி இயக்கியுள்ளனர். அரசியல்வாதிகள் நாஞ்சில் சம்பத்தும் ஜே.கே.ரித்திஸும் முக்கிய வேடத்தில் நடித்துள்ள  இப்படத்தின் டிரைலர் நேற்று வெளியாகி இணையத்தில் பரவலாக பேசப்பட்டு வருகிறது.கதாநாயகி ப்ரியா ஆனந்த் பாலாஜியை நோக்கி ‘ஒரு மாடும் ஒரு மனுசனும் ஒரே நேரத்துல சிக்கல்ல மாட்டியிருந்தா யாரை முதல்ல காப்பாத்துவ? என்று கேட்க அதற்கு பாலாஜி ‘மனுஷனை’ என்று பதில் சொன்னதும் ஓங்கி அவரை சாத்துகிறார். அடுத்து ஊழல் ஆட்சி, பினாமி ஆட்சி, மன்னார்குடிக்குப் பதில் லால்குடி, தமிழன், ஆந்திர வந்தேறி, டி.வி.யில 100 நாள் ஷோ பண்ணுனா தமிழ்நாட்டு சி.எம். ஆயிரலாம் என்று இரண்டு நிமிடம் ஓடும் ட்ரெயிலரிலேயே அனல் பறக்கவிட்டிருக்கிறார் பாலாஜி.

ஆக எல்.கே.ஜி. ரிலீஸ் சமயத்துல ஹெச். ராஜா, மேடம் தமிழிசை, அர்ஜூன் சம்பத்களுக்கு பிசியான வேலை காத்திருக்கு.