பிரணவ் மோகன்லாலின் முதல் படத்தின் மோஷன் போஸ்டர் வெளியானது; செம்ம வரவேற்பு…
மோகன்லால் மகன் பிரணவ் நடிக்கும் படத்திற்கு விஜய்யின் படத் தலைப்பான ‘ஆதி’ என்று பெயர் வைத்துள்ளனர்.
பிரபல மலையாள சூப்பர் ஸ்டார் மோகன்லாலின் மகன் பிரணவ் மோகன்லால். இயக்குனர் ஜீத்து ஜோசப்பிடம் கடந்த சில ஆண்டுகளாக உதவி இயக்குனராக பணியாற்றியுள்ளார்.
இந்த நிலையில் பிரணவ் முதன் முதலாக ஒரு படத்தில் கதாநாயகனாக நடிக்கவுள்ளார். இந்தப் படத்திற்கு விஜய், த்ரிஷா நடித்த ‘ஆதி’ படத்தின் தலைப்பு வைக்கப்பட்டுள்ளது.
இந்தப் படத்தின் டைட்டிலுடன் கூடிய மோஷன் போஸ்டர் வெளியாகி மலையாள திரையுலகை வரவேற்பை பெற்றுள்ளது.
ஹீரோவாக அறிமுகமாகும் பிரணவ்வுக்கு திரையுலக பிரபலங்கள் பலரும் வாழ்த்து தெரிவித்து வருகின்றனர்.
மோகன்லால் நடிக்கவுள்ள ‘வெளிப்பாடின்டே புஸ்தகம்” என்ற படத்தின் பூஜையின் போது பிரணவ்வின் ‘ஆதி’ மோஷன் போஸ்டர் வெளியிடப்பட்டிருக்கிறது என்பது கொசுறு தகவல்.