நடிகை கிருத்தி சனோன், தனது 22 வயதில் முதன்முதலாக ஆடிஷனில் கலந்துகொண்டிருக்கிறார். அப்போது எடுக்கப்பட்ட வீடியோ இணையத்தில் படு வைரலாகி வருகிறது. அதைப்பற்றி பார்க்கலாம்.
Kriti Sanon viral video : பாலிவுட்டில் இன்று கிருத்தி சனோன் என்ற பெயர் பரவலாக அறியப்படுகிறது. கவர்ச்சி மட்டுமல்லாமல், தனது நடிப்புத் திறமையாலும் ரசிகர்களின் மனதை வென்று, சினிமா பின்னணி இல்லாமல் இந்த உயரத்தை அடைந்துள்ளார். ஆனால் இந்த வெற்றிக்குப் பின்னால் உள்ள உழைப்பு எப்படிப்பட்டது? அவர் சினிமா துறைக்குள் நுழைவதற்கு முன்பு சந்தித்த சவால்கள் என்ன? இந்த கேள்விகளுக்கு அவர் அளித்த பதில் சமூக வலைதளங்களில் வைரலாகிறது.
சமூக வலைதளங்களில் பரவி வரும் இந்த வீடியோவில் கிருத்தி சனோனுக்கு 22 வயது. வெள்ளை நிற ஆஃப்-ஷோல்டர் கவுன் அணிந்து, மிகவும் அப்பாவியாகத் தோற்றமளிக்கிறார். தன்னை அறிமுகம் செய்துகொள்கிறார். அப்போது படக்குழுவினர் அவரிடம் சில தேதிகள் கிடைக்குமா என்று கேட்கிறார்கள். அதற்கு புன்னகையுடன் பதிலளித்த கிருத்தி, 'டூ-பீஸ் (பிகினி) ஆடைகளை அணிய எனக்கு அவ்வளவு வசதியாக இல்லை' என்கிறார்.
Related Articles
வைரலாகும் கிருத்தி சனோன் வீடியோ
அதே வீடியோவில், கிருத்தி ஒரு கடினமான நடிப்பு காட்சியையும் செய்து காட்டுகிறார். தண்ணீரில் மூழ்குபவர்களைக் காப்பாற்றும் ஒரு காட்சியில் அவர் மிக இயல்பாக நடித்துக் காட்டுகிறார். பின்னர், மலை உச்சியிலிருந்து ஒருவரைக் காப்பாற்றுவது போன்ற காட்சியிலும் அவரது நடிப்பு அசத்துகிறது. அன்றைய அந்த உழைப்பே இன்று அவரை பாலிவுட்டின் முன்னணி நடிகையாக மாற்றியுள்ளது.
இந்த வீடியோ வைரலானதும், நெட்டிசன்கள் கிருத்தி சனோனுக்கு ஆதரவாக நிற்கின்றனர். 'இன்றைய வாரிசு நடிகர்கள் இது போன்ற எந்த கஷ்டங்களையும் படுவதில்லை, ஆடிஷன் இல்லாமலேயே படங்கள் கிடைக்கிறது' என்கின்றனர். மற்றொருவர், 'வாரிசு நடிகர்களுக்கு ஆடிஷன் என்றால் என்னவென்றே தெரியாது, அவர்களுக்கு ஆடி கார் மட்டுமே தெரியும்' என்று கிண்டலாகக் கூறியுள்ளார். கிருத்தியின் நேர்மையை பலரும் பாராட்டியுள்ளனர்.
கிருத்தி சனோன் சமீபத்தில் தனுஷ் நடித்த 'தேரே இஷ்க் மே' படத்தில் காணப்பட்டார். தற்போது அவர் கைவசம் பல பெரிய ப்ராஜெக்ட்கள் உள்ளன: மொத்தத்தில், 22 வயதில் 'டூ-பீஸ் அணிய மாட்டேன்' என்று தைரியமாகச் சொன்ன கிருத்தி, இன்று பாலிவுட்டின் டாப் ஹீரோயினாக ஜொலிப்பது அவரது திறமைக்குக் கிடைத்த வெற்றி.
