janagaraj acting hero role
ரஜினி, கமல் உள்ளிட்ட பல நடிகர்களுடன் 90 களில் கலக்கல் காமெடியனாக வலம் வந்தவர் நடிகர் ஜனகராஜ். அவருடைய வித்தியாசமான குரலும் பாடி லேங்வெஜூம் தற்போதும் ரசிகர்கள் மனதை விட்டு நீங்காதது.
இந்த நிலையில் நீண்ட இடைவேளைக்கு பின் சாருஹாசன் முக்கிய வேடத்தில் நடித்து வரும் 'தாதா 87' என்கிற படத்தில் ஜனகராஜ் ஒரு முக்கிய கதாப்பாத்திரத்தில் ரீ என்ட்ரி ஆகவுள்ளார்.
ஹீரோவாக ஜனகராஜ்:
இதைத்தொடர்ந்து தற்போது ஹீரோவாக ஒரு படத்தில் நடிக்க ஒப்பந்தமாகியுள்ளார். 'தர்ம அவதாரம்' என்ற டைட்டிலில் தயாராகும் இந்த படத்தில் ஜனகராஜ் புதிய அவதாரம் எடுக்கவுள்ளதாவும், இந்த படத்தை 'தாதா 87' படத்தை இயக்கும் விஜய்ஸ்ரீ இயக்கவுள்ளதாகவும் செய்திகள் வெளிவந்துள்ளது.
கதாப்பாத்திரம்:
இந்த படத்தில் மிடில் கிளாஸ் தந்தை கதாப்பாத்திரத்தில் ஜனகராஜ் நடிக்க உள்ளதாகவும் சமூகத்தில் நடக்கும் அவலங்களை கண்டு ஆந்திரப்படும் கதாப்பாத்திரத்தில் நடிக்க உள்ளதாகவும் கூறப்படுகிறது. இந்த கதாப்பாத்திரம் நிச்சயம் பார்வையாளர்களை ஆச்சர்யப்படுத்தும் வகையில் இருக்கும் என இயக்குனர் தெரிவித்துள்ளார்.
படப்பிடிப்பு துவக்கம்:
இந்த திரைப்படத்தின் படப்பிடிப்பு வரும் மார்ச் மாதம் தொடங்கவுள்ளது. ஒரே கட்டமாக இந்த படத்தின் மொத்த படப்பிடிப்பையும் முடிக்க படக்குழுவினர்கள் திட்டம்மிட்டுள்ளதாக கூறப்படுகிறது.
