இணையத்தை இப்போது கலக்கி கொண்டிருக்கும் ஹாட்டான விஷயம் சர்கார் டீசர் தான். தளபதி விஜய் நடிப்பில் தீபாவளி அன்று திரைக்கு வர இருக்கும் சர்கார் திரைப்படத்தின் டீசர் நேற்று மாலை 6 மணி அளவில் , இணையத்தில் ரிலீசாகி இருக்கிறது. சர்காரின் ஃபஸ்ட் லுக் ரிலீசான போதே இணையத்தை மெர்சலாக்கிய விஜய் ரசிகர்கள், டீசரை இன்னும் ஒரு படி மேலே கொண்டு போய் கொண்டாடி வருகின்றனர்.

சர்கார் டீசருக்கு எத்தனை ஹிட் எத்தனை லைக் என்பது தான் இப்போதைக்கு இணையத்தில் ஹாட் டாப்பிக்கே. கோடிக்கணக்கான ஹிட்டுகளை கடந்து , மில்லியனில் லைக்குகளையும் தாண்டி இணையத்தையே ஒரு கலக்கு கலக்கி கொண்டிருக்கிறது சர்கார் டீசர். இந்த டீசருக்கு முதல் முதலாக லைக்  போட்டது யார் என்பதை ஆதரத்துடன் வெளியிட்டிருக்கிறார் விஜய் ரசிகர் ஒருவர்.மில்லியன் லைக்குகளை கடந்து போய்க்கொண்டிருக்கும் இந்த சர்கார் டீசருக்கு முதல் லைக் போட்டது நான் தான், என தன்னுடைய முகநூல் பக்கத்தில் ஆதாரத்துடன் பகிர்ந்திருக்கிறார் அந்த விஜய் ரசிகர். 

தளபதி விஜயின் சர்கார் டீசர் யாரும் முறியடிக்க முடியாத அளவிற்கு சாதனை படைத்திட வேண்டும் என்பதில் ,ஆர்வமாக இருக்கும் விஜய் ரசிகர்கள் டீசர்க்கு ரிலீசுக்காக மிக ஆர்வமாக காத்திருந்தனர். அவர்களில் ஒருவருக்கு தான் முதல் லைக் போடும் இந்த லக் அடித்திருக்கிறது. இந்த லக்கிற்காகவே அந்த ரசிகரை வாழ்த்தி வருகின்றனர் சக விஜய் ரசிகர்கள்