துளி கூட தலைக்கனம் இல்லாத தல – புகழ்ந்து தள்ளிய ஹாலிவுட் நடிகை…
விவேகம் படத்தில் நடித்து வரும் ஹாலிவுட் நடிகை அமிலா, துளி கூட தலைக்கனம் இல்லாத நடிகர் அஜீத் என்று அவரை புகழ்ந்து தள்ளியுள்ளார்.
சிவா இயக்கத்தில் அஜீத் நடித்து வரும் படம் விவேகம். இந்தப் படத்தை ஹாலிவுட் வட்டாரமே சர்வதேச தரத்தில் இயக்கப்பட்டுள்ள தமிழ்த் திரைப்படம் என்று புகழ்ந்து வருகிறது.
இந்த நிலையில் இந்தப் படத்தின் ஹாலிவுட் நடிகை ஒருவர் அதிரடி ஆக்சன் காட்சிகளில் நடித்துள்ள்ளார்.
பல படங்களில் ஜேம்ஸ்பாண்ட் கேரக்டரில் நடித்த பியர்ஸ் பிராஸ்னன் நடித்த ‘தி நவம்பர் மேன்’ படத்தில் முக்கிய வேடத்தில் நடித்த ஹாலிவுட் நடிகை அமிலா டெர்ஜிமெஹிக்.
இவர்தான் ‘விவேகம்‘ படத்தில் முக்கிய வேடத்தில் நடித்ததோடு, ரிஸ்கான சண்டைக் காட்சிகளில் டூப் இல்லாமல் நடித்து அசத்தியுள்ளார்.
இதுகுறித்து அமிலா, “இயக்குனர் சிவா மற்றும் அஜீத்துடன் நடித்ததை பெருமையாக கருதுகிறேன். அஜீத்தை முதன்முதலில் சந்தித்தபோது துளி கூட தலைக்கனம் இல்லாமல் அவ்வளவு எளிமையான மனிதராக எல்லோருடனும் பழகியதை பார்த்து ஆச்சரியம் அடைந்தேன். அவருடைய தொழில் பக்தியை இதுவரை வேறெந்த நடிகரிடமும் பார்த்ததில்லை” என்று அவர் புகழ்ந்து தள்ளியுள்ளார்.