முதலில் வருவது தொண்டனா...? கொளஞ்சியா..? வாக்குவாதத்தில் படக்குழு
நடிகர் சமுத்திரக்கனி, சிங்கிள் ஹீரோ சப்ஜெக்ட் படங்களில் நடிக்க துவங்கி விட்டாலும், குணச்சித்திர வேடம், இயக்கம் என எதையும் விடாமல் அனைத்து வேலைகளிலும் சம அளவு கவனம் செலுத்தி வருகிறார்.
தற்போது மலையாளத்தில் "அப்பா" படத்தை ரீமேக் செய்து இயக்கி வருகிறார், அதே போல் அவர் ஹீரோவாக நடித்திருக்கும் கொளஞ்சி மற்றும் தொண்டன் ஆகிய படங்கள் வெளிவர தயாராக உள்ளது.
ஏற்கனவே 'சமுத்திரக்கனி' மற்றும் 'சுனேனா' நடித்துள்ள 'தொண்டன்' படம் மே 5 ஆம் தேதி ரிலீஸ் ஆகும் என கூறப்படும் நிலையில், 'மூடர் கூடம்' படத்தின் இயக்குனர் நவீன் தற்போது இயக்கியுள்ள 'கொளஞ்சி'
திரைப்படத்தையும் அதே நாளில் திரையிட முடிவு செய்துள்ளனராம் படக்குழுவினர்.
ஒரே நாளில் சமுத்திரக்கனியின் இரண்டு படங்களும் வெளிவந்தால், வசூல் குறையும் என இரண்டு தரப்பு படக்குழுவினர் யோசித்து வருவதாகவும், அதனால் எதாவது ஒரு படத்தை மட்டுமே ரிலீஸ் செய்யவுள்ளதாகவும் கூறப்படுகிறது. ஆனால் எந்த படத்தை முதலில் ரிலீஸ் செய்வது என இருதரப்பினரும் வாக்குவாதத்தில் ஈடுபட்டு வருகின்றனராம்.