அஜித், விஜய், மம்முட்டி.. பிரபலங்களை இயக்கிய கூல் ஜெயந்த் ... கேன்சருக்கு பலியான பிரபல நடன இயக்குனர்...
விஜய் அஜித் படங்கள் என 500-க்கும் மேற்பட்ட படங்களில் நடன இயக்குனராக கூல் ஜெயந்த் பணியாற்றியுள்ளார். கேன்சருக்கு சிகிச்சை பெற்று வந்த ஜெயந்த் இன்று காலை காலமானார்
நடிகரும், நடன இயக்குனருமான பிரபு தேவா மற்றும் ராஜு சுந்தரம் ஆகியோரது நடனக் குழுவிலும் இடம்பெற்றிருந்த கூல் ஜெயந்த் 1996-ம் ஆண்டு கதிர் இயக்கத்தில் அப்பாஸ்,வினித் நடிப்பில் வெளியான ‘காதல் தேசம்’ திரைப்படத்தின் மூலம் நடன இயக்குநராக அறிமுகமானார். 25 ஆண்டுகளுக்கு மேலாகியும் இன்றளவும் மனதில் நிற்கும் அப்படத்தில் பாடல்களாக ‘முஸ்தஃபா’, ‘கல்லூரிச் சாலை’ ஆகிய பாடல்களின் நடனம் அந்த காலகட்டத்தில் மிகவும் பிரபலமானவை. அதோடு அந்த படத்தில் இடம்பெற்றிருந்த ஓ..மரியா என்ற பாடல் மூலம் பலருடைய கவனத்தை ஈர்த்தவர் நடன இயக்குனர் கூல் ஜெயந்த்.
இதன் வெற்றியை தொடர்ந்து 1999-ல் அஜித் சிம்ரன் நடிப்பில் வெளியாகி மாஸ் வெற்றி பெற்ற வாலி படத்தின் ஏப்ரல் மாதத்தில் பாடலுக்கு நடன இயக்குனராக பணிபுரிந்த கூல் ஜெயந்த். வாலி யை தொடர்ந்து எஸ் ஜெ சூர்யாவின் இயக்கத்தில் அடுத்ததாக வெளிவந்த குஷி படத்தில் மொட்டு ஒன்று என்ற பிரபல பிடலுக்கும் நடனம் இயற்றியுள்ளார் அந்த பாடலின் கோரியோகிராஃபி இன்றளவும் பேசப்படும் ஒன்றாகும். அதோடு விஜயின் வெற்றி படங்களில் ஒன்றான ப்ரியமானவளே படத்தில் வில் வெல்கம் பாய்ஸ், பாடலுக்கும் ஆகிய பாடல்களுக்கு நடனம் அமைத்து கொடுத்து இருக்கிறார்.
பல படங்களுக்கு நடன இயக்குனராக பணியாற்றியுள்ள கூல் ஜெயந்த் தமிழ் திரைப்படங்களில் மட்டுமல்லாமல் மலையாளத்திலும் பல படங்களுக்கு நடன இயக்குனராக பணியாற்றியுள்ளார். 500- மேற்பட்ட படங்களுக்கு கோரியோகிராஃபி செய்துள்ள இவர் ஜெயராம் மற்றும் நடிகை ரம்பா நடிப்பில் வி.எம்.வினு இயக்கத்தில் 2004 ஆம் ஆண்டு வெளியான மலையாளத் திரைப்படமான “மயிலாட்டம்” பணியாற்றியிருந்தார். பின்னர் 2005 ஆம் ஆண்டில், நடிகர் அப்பாஸ் நடித்த "கல்யாண குறிமணம்" என்ற மலையாளத் திரைப்படத்திற்காக கூல் ஜெயந்த் நடனம் அமைத்து கொடுத்துள்ளார். 2007 -ல் மாயாவி, 2010 ஆம் ஆண்டு நடிகர் கலாபவன் மணியை ஹீரோவாகக் காட்டிய “அண்ணரக்கண்ணனும் தன்னாலயத்து” மலையாளப் படத்தின் பாடல்களுக்கும் நடன இயக்குனராக பணிபுரிந்துள்ளார். அதோடு 2010 ஆம் ஆண்டு வெளிவந்த மலையாளத் திரைப்படமான “செரிய கல்லனும் வல்லிய பொலிக்கும்” அதில் ஜெயந்த் நடன இயக்குநராக இருந்தார்.
2011ஆம் ஆண்டு வெளிவந்த “பச்சுவும் கோவலனும்” திரைப்படத்தில் நடிகர் முகேஷுக்கு ஜெயந்த் நடனம் அமைத்தார். 2012ஆம் ஆண்டு மோகன் குப்லேரி இயக்கிய “கிரஹநாதன்” என்ற மலையாளப் படத்திற்காக அவர் மீண்டும் நடிகர் முகேஷுடன் இணைந்துபணியாற்றியிருந்தார். ஜெயந்த் 2012 ஆம் ஆண்டு மலையாளத்தில் வெளிவந்த காதல் நகைச்சுவைத் திரைப்படமான "101 திருமணங்கள்" படத்திற்காக பணியாற்றினார். இப்படத்தில் குஞ்சாகோ போபன் ஹீரோவாக நடித்தார், அதை ஷாபி இயக்கினார். 2012 ஆம் ஆண்டில், பிரபல நடிகர்கள் நடித்த "ஏழம் சூரியன்" மலையாள திரைப்படத்தில் கூல் ஜெயந்த் பணியாற்றினார். உன்னி முகுந்தன், ஸ்ரீஜித் ரவிமற்றும் அதில் உள்ள மற்றவர்கள். அவர் 2013 இல் நடிகர் ஜெயராமின் திரைப்படமான “லக்கி ஸ்டார்” திரைப்படத்திற்கு நடனம் அமைத்தார்.
2014 ஆம் ஆண்டு மலையாளத்தில் வெளிவந்த “கொந்தயும் பூணூலும்” திரைப்படத்தில் ஜெயந்தின் நடன அமைப்பு இருந்தது. படத்தின் ஹீரோ குஞ்சாகோ போபன் மற்றும் இயக்கியவர்ஜிஜோ ஆண்டனி. ஜெயந்த் தமிழ், தெலுங்கு, கன்னடம் மற்றும் மலையாளப் படங்களுக்கு நடனம் அமைத்துள்ளார். ஜெயந்த் தென்னிந்தியத் திரையுலகில் 400க்கும் மேற்பட்ட படங்களுக்குப் பணிபுரிந்துள்ளார், நடனம் குறித்த ஜெயந்தின் அணுகுமுறை மிகவும் அர்ப்பணிப்பு மற்றும் உணர்வுப்பூர்வமானது என இயக்குனர்கள் பலர் பாராட்டியுள்ளனர். நடன இயக்குனராக சிறந்த திறனை வெளிப்படுத்திய கூல் ஜெயந்த் இசை விடியோவில் உருவாக்கி நடித்துள்ளார். இதில மனோஜ் பாரதிராஜா, நவநீதா, கீதாஞ்சலி ஆகியோருடன் நடித்துள்ளனர்.
இந்நிலையில், கேன்சர் பாதிப்பால் இன்று காலை உயிரிழந்துள்ளார். இவரது இறுதி சடங்கு இன்று மாலை 4 மணிக்கு நடைபெற இருக்கிறது. கூல் ஜெயந்த் மறைவிற்கு திரையுலகை சேர்ந்த பலரும் ஆழ்ந்த இரங்கலை தெரிவித்து வருகிறார்கள்.
சேனலை கிளிக் செய்து பின்தொடரவும்
