பிரபல நிகழ்ச்சியின் பெயரை படத்துக்கு தலைப்பாக வைக்கும் சுந்தர் சி... எல்லாத்துக்கும் அவங்க தான் காரணமா?
Sundar C : சுந்தர் சி இயக்கத்தில் மீண்டும் ஒரு நகைச்சுவை திரைப்படம் தயாராகி வருகிறது. இப்படத்தில் ஜெய், ஜீவா, ஸ்ரீகாந்த் ஆகியோர் நாயகர்களாக நடித்துள்ளனர்.
Followநகைச்சுவை திரைப்படங்கள் எடுப்பதில் கில்லாடி இயக்குனராக வலம் வருபவர் சுந்தர் சி. இவர் இயக்கத்தில் வெளியான வின்னர், கலகலப்பு, முறைமாமன், உள்ளத்தை அள்ளித்தா, அருணாச்சலம், கிரி, அரண்மனை என பல்வேறு பிளாக்பஸ்டர் ஹிட் படங்களை கொடுத்த சுந்தர் சி சமீபகாலமாக இயக்கிய ஆக்ஷன், அரண்மனை 3 போன்ற படங்கள் படு தோல்வியை சந்தித்தன.
இதனையடுத்து தற்போது இவர் இயக்கத்தில் மீண்டும் ஒரு நகைச்சுவை திரைப்படம் தயாராகி வருகிறது. இப்படத்தில் ஜெய், ஜீவா, ஸ்ரீகாந்த் ஆகியோர் நாயகர்களாக நடித்துள்ளனர். அவர்களுக்கு ஜோடியாக மாளவிகா மேனன், ரைசா வில்சன், அம்ரிதா ஐயர் ஆகியோர் நடித்துள்ளனர். மேலும் இதில் பிக்பாஸ் சம்யுக்தா, தொகுப்பாளினி டிடி, யோகிபாபு, ரெடின் கிங்ஸ்லி என மிகப்பெரிய நட்சத்திர பட்டாளமே நடித்துள்ளது.
இப்படத்திற்கு யுவன் சங்கர் ராஜா இசையமைக்கிறார். கடைசியாக வின்னர் படத்தில் சுந்தர் சி உடன் இணைந்து பணியாற்றிய யுவன், தற்போது 18 ஆண்டுகளுக்கு பின் அவருடன் மீண்டும் இணைந்துள்ளார். இதனால் இப்படத்தின் மீதான எதிர்பார்ப்பும் அதிகரித்த வண்ணம் உள்ளது. நடிகை குஷ்பு இப்படத்தை தயாரிக்கிறார்.
இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது. இந்நிலையில், இப்படத்தின் தலைப்பு குறித்த அப்டேட் வெளியாகி உள்ளது. அதன்படி இப்படத்திற்கு ‘காஃபி வித் காதல்’ என பெயரிடப்பட்டுள்ளதாக கூறப்படுகிறது. இப்படத்தில் நடித்துள்ள டிடி தொகுத்து வழங்கிய காஃபி வித் டிடி என்கிற நிகழ்ச்சியின் தலைப்பை சற்று மாற்றி இப்படத்துக்கு பெயராக வைத்துள்ளனரா என்கிற கேள்வியும் ரசிகர்கள் மத்தியில் எழுந்துள்ளது.
இதையும் படியுங்கள்... கே.ஜி.எஃப் 2 படத்தை கடுமையாக விமர்சித்த பேட்ட வில்லன்... ‘வயிற்றெரிச்சலா’ என கிண்டலடிக்கும் நெட்டிசன்ஸ்
சேனலை கிளிக் செய்து பின்தொடரவும்
