சமீப காலமாக பிரபலமானவர்களின் வாழ்க்கை வரலாற்றை திரைப்படங்கள் எடுத்து வெற்றி பெறும் சீசன் இந்திய திரையுலகில் தற்போது டிரெண்ட் ஆக இருந்து வருகிறது.
அந்த வரிசையில் சில்க் ஸ்மிதா, மேரிகோம், தோனி, உள்பட பல பிரபலமானவர்களின் திரைப்படங்கள் வெளிவந்து சூப்பர் ஹிட் ஆகியுள்ளது.
மேலும் சூப்பர் ஸ்டார் ரஜினிகாந்தின் வாழ்க்கை வரலாறும் விரைவில் திரைப்படம் ஆகவுள்ளது என்பது நாம் அறிந்தது தான்.
இந்நிலையில் தெலுங்கானா மாநிலம் உருவாக பாடுபட்ட அம்மாநிலத்தின் முதலமைச்சர் சந்திரசேகரராவ் வாழ்க்கை வரலாற்றை திரைப்படமாக எடுக்க பிரபல இயக்குனர் மதுரா ஸ்ரீதர் முயற்சித்து வருகிறார் என்ற தகவல் வெளிவந்துள்ளது.
மகாத்மா காந்தி, மார்ட்டின் லூதர்கிங், நெல்சன் மண்டேலா ஆகிய தலைவர்களின் வாழ்க்கையை போல சந்திரசேகரராவ் அவர்களின் வாழ்க்கையும் போராட்டம் நிறைந்தது என்றும்.
அவருடைய வாழ்க்கை வரலாறை இக்கால இளைஞர்கள் மட்டுமின்றி எதிர்கால சந்ததியினர்களும் தெரிந்து கொள்ள வேண்டியது அவசியம் என்றும் இயக்குனர் மதுரா ஸ்ரீதர் கூறியுள்ளார்.
இந்த படத்தில் நடிக்கும் நடிகர், நடிகையர் தேர்வு நடைபெற்று வருவதாகவும், அடுத்த ஆண்டு இந்த படத்தின் படப்பிடிப்பு தொடங்கும் என்றும் கூறப்படுகிறது.
