நீங்கள் எந்தப்பக்கம் தேர்வு செய்வீர்கள்? அர்ஜுன் தாஸ் & காளிதாஸ் நடித்துள்ள 'போர்'! ஃபர்ஸ்ட் லுக் வெளியானது!
தமிழ் சினிமாவில் வளர்ந்து வரும் இளம் ஹீரோக்களான காளிதாஸ் மற்றும் அர்ஜுன் தாஸ் நடித்துள்ள 'போர்' படத்தின் வித்தியாசமான ஃபர்ஸ்ட் லுக் தற்போது வெளியாகியுள்ளது.
![Arjun Das and Kalidas Jeyaram acting por movie first look released mma Arjun Das and Kalidas Jeyaram acting por movie first look released mma](https://static-ai.asianetnews.com/images/01hmx8vb80kcegq8ryawbazjs5/mixcollage-24-jan-2024-01-49-pm-2190_363x203xt.jpg)
தொடர்ந்து தமிழில் தரமான கதைகளை தேர்வு செய்து நடித்து வரும், அர்ஜுன் தாஸ் மற்றும் காளிதாஸ் இருவரும் முதல் முறையாக இணைந்து நடித்து வரும் திரைப்படம் 'போர்'. இயக்குநர் பிஜோய் நம்பியார் இயக்கத்தில், உருவாகி வரும் இந்த படம் இருமொழிப் படமாக உருவாகியுள்ளது.
இதில் அர்ஜூன் தாஸ் மற்றும் காளிதாஸ் பிரதான கதாபாத்திரங்களில் நடித்துள்ளனர். இப்படத்தின் இந்திப்பதிப்பில் ஹர்ஷ்வர்தன் ரானே மற்றும் எஹான் பட் ஆகியோர் முக்கிய வேடங்களில் நடித்துள்ளனர். வாழ்வின் தார்மீக சிக்கல்கள் மற்றும் மனித இயல்புகளை இரண்டாக பிரிக்கும் விதத்தில், தற்போது 'போர்', படத்தின் வித்தியாசமான ஃபர்ஸ்ட் லுக் வெளியாகியுள்ளது.
இந்த போஸ்டர், விஷுவலாக இரண்டு போஸ்டர்கள் போன்று, பாதி பாதியாக பிரிந்துள்ளது. இதிலிருந்து பார்வையாளர்களை ஒரு பக்கத்தை தேர்ந்தெடுக்கச் சொல்லும், வித்தியாசமான சவாலைத் தருகிறது இந்த ஃபர்ஸ்ட் லுக். 'போர்', திரைப்படம் கதை சொல்லலின் எல்லைகளைத் மாற்றியமைத்து, நமக்கு ஒரு வித்தியாசமான, பரபரப்பான அனுபவத்தை தரும் படைப்பாக இருக்கும் என எதிர்பார்க்கலாம். பார்வையாளர்கள் தங்கள் நம்பிக்கைகளை எதிர்கொள்வதற்கும், தேர்வு செய்வதற்கும் ஒரு காட்சி அழைப்பாக இந்த போஸ்டர் செயல்படுகிறது. இதிலிருந்து ஒரு பக்கத்தைத் தேர்ந்தெடுக்க நீங்கள் தயாரா?. விரைவில் இப்படம் குறித்த மற்ற தகவல்கள் அறிவிக்கப்படும் என படக்குழு தெரிவித்துள்ளது.