வீரம், வேதாளம் படங்களின் மாபெரும் வெற்றியை தொடர்ந்து அஜித் – சிவா கூட்டணி மூன்றாவது முறையாக ஒரு படத்தில் இணைந்துள்ளது. சத்யஜோதி பிலிம்ஸ் சார்பாக தியாகராஜன் தயாரிக்கும் இப்படத்துக்கு அனிருத் இசையமைத்து வருகிறார். இப்படத்தில் முதல்முறையாக அஜித் ஜோடியாக காஜல் அகர்வால் நடித்து வருகிறார்.இதன் படப்பிடிப்பு 25% முடிந்துள்ளது.
இதனைத் தொடர்ந்து அஜித் நடிக்கும் அடுத்த படத்தை முருகதாஸ் இயக்குவார் என கூறப்பட்டு வருகிறது. அதேசமயம் பிரம்மாண்ட இயக்குனர் ஷங்கரும் அஜித்துக்காக ஒரு கதையை தயார் நிலையில் வைத்துள்ளாராம். இப்படத்தை அஜித்தின் ஆஸ்தான தயாரிப்பாளர் ஏ.எம்.ரத்னம் மாபெரும் பொருட்செலவில் தயாரிப்பார் எனவும் பேசப்படுகிறது. ஆனால் இந்த தகவல்கள் உண்மையா என்று தெரியவில்லை.
