Asianet News TamilAsianet News Tamil

Valimai Movie: ஆரம்பமே அசத்தல்! அஜித்துக்கு 120 அடி பேனர் வைத்து வலிமையை வரவேற்ற ரசிகர்கள்! வைரல் வீடியோ!

ஜனவரி 13 ஆம் ஆம் தேதி, பொங்கல் தினத்தை முன்னிட்டு வெளியாக உள்ள வலிமை (Valimai) படத்தை... இப்போதே வரவேற்க துவங்கி விட்டனர் அஜித் ரசிகர்கள் (Ajith fans) அந்த வகையில் தற்போது அஜித்துக்கு சும்மார் 120 ஆடி பேனர் வைத்த புதுவை ரசிகர்களின் வீடியோ வைரலாகி வருகிறது.

 

Ajith Pudhuvai fans start celebrate on valimai with 120ft Banner viral video
Author
Chennai, First Published Jan 3, 2022, 6:42 AM IST
  • Facebook
  • Twitter
  • Whatsapp

ஜனவரி 13 ஆம் ஆம் தேதி, பொங்கல் தினத்தை முன்னிட்டு வெளியாக உள்ள வலிமை படத்தை... இப்போதே வரவேற்க துவங்கி விட்டனர் அஜித் ரசிகர்கள் அந்த வகையில் தற்போது அஜித்துக்கு சும்மார் 120 ஆடி பேனர் வைத்த புதுவை ரசிகர்களின் வீடியோ வைரலாகி வருகிறது.

அஜித் நடிப்பில் ஆக்‌ஷன் திரைப்படமாக உருவாகி உள்ளது வலிமை. இப்படத்தை சதுரங்க வேட்டை, தீரன் அதிகாரம் ஒன்று, நேர்கொண்ட பார்வை போன்ற ஹிட் படங்களை இயக்கிய எச்.வினோத் இயக்கி உள்ளார். மறைந்த நடிகை ஸ்ரீதேவியின் கணவர் போனி கபூர், 'நேர்கொண்ட பார்வை' படத்தை தொடர்ந்து இரண்டாவது முறையாக இந்த படத்தை தயாரித்து உள்ளார். தமிழிலும் இவர் தயாரிக்கும் படங்களுக்கு நல்ல வரவேற்பு கிடைத்து வருவதால், அடுத்தடுத்து சில தமிழ் படங்களையும் போனி தற்போது தற்போது தயாரித்து வருகிறார்.

Ajith Pudhuvai fans start celebrate on valimai with 120ft Banner viral video

கடந்த 2019-ம் ஆண்டே தொடங்கப்பட்ட இப்படம் இரண்டு ஆண்டுகள் கடின உழைப்புக்கு பின் தற்போது ரிலீசுக்கு தயாராகி உள்ளது. இப்படம் வருகிற 2022-ம் ஆண்டு பொங்கல் விருந்தாக திரைக்கு வருகிறது. இப்படத்தில் அஜித்துக்கு ஜோடியாக பாலிவுட் நடிகை ஹூமா குரேஷியும், வில்லனாக தெலுங்கு நடிகர் கார்த்திகேயாவும் நடித்துள்ளார். மேலும் யோகிபாபு, குக் வித் கோமாளி புகழ் ஆகியோர் நகைச்சுவை கதாபாத்திரத்தில் நடித்துள்ளனர். அஜித்தின் தாயாக ஜெயசுதா நடித்துள்ளார்.

Ajith Pudhuvai fans start celebrate on valimai with 120ft Banner viral video

நீரவ் ஷா ஒளிப்பதிவாளராகவும், திலீப் சுப்பராயன் ஸ்டண்ட் மாஸ்டராகவும் பணியாற்றி உள்ளனர். அஜித் இப்படத்தில் போலீஸ் அதிகாரியாக அர்ஜுனன் என்கிற கதாபாத்திரத்தில் நடித்துள்ளார். சமீபத்தில் வெளியான வலிமை படத்தின் ட்ரைலர் ஹாலிவுட் தரத்தில் இருந்ததால் இந்த படத்தின் மீதான எதிர்பார்ப்பு அஜித் ரசிகர்களுக்கு எக்கச்சக்கமாக எகிறியுள்ளது. நேற்றைய தினம் இந்த படத்தின் பாடல்களின் ட்ராக் லிஸ்டையும் வெளியிட்டு இன்ப அதிர்ச்சி கொடுத்தது படக்குழு.

Ajith Pudhuvai fans start celebrate on valimai with 120ft Banner viral video

இந்நிலையில் இந்த படத்தை வரவேற்க வெறித்தனமாக தயாராகியுள்ளனர் அஜித் ரசிகர்கள். அந்த வகையில் ஏற்கனவே குட்டி குட்டி பேனர், போஸ்டர் போன்றவற்றை ஒட்ட துவங்கிவிட்டனர். அந்த வகையில் தற்போது... புதுவையை சேர்ந்த ரசிகர்கள் சுமார் 120 அடிக்கு பேனர் வைத்து அதகளம் செய்துள்ளனர். இதுகுறித்த வீடியோ தற்போது சமூக வலைத்தளத்தில் வெளியாகி வைரலாகி வருகிறது.

அந்த வீடியோ இதோ...

Follow Us:
Download App:
  • android
  • ios