நடிகை ஐஸ்வர்யா ராஜேஷ் கதையின் நாயகியாக நடிக்க உள்ள புதிய படத்தை அறிமுக இயக்குநர் பரத் தர்ஷன் எழுதி இயக்குகிறார். இப்படத்தில் நாயகனாக திரு வீர் நடிக்க கமிட்டாகி உள்ளார்.
Aishwarya Rajesh's new movie : பிளாக்பஸ்டர் ஹிட்டான "ப்ரீ வெட்டிங் ஷோ" படத்திற்குப் பிறகு, இளம் நடிகர் திரு வீர் நடிக்கும் புதிய படத்தின் தலைப்பு வெளியாகியுள்ளது. "ஓ சுகுமாரி" என்று பெயரிடப்பட்டுள்ள இந்தப் படத்தில் ஐஸ்வர்யா ராஜேஷ் கதாநாயகியாக நடிக்கிறார். இந்தப் படத்தை அறிமுக இயக்குநர் பரத் தர்ஷன் எழுதி இயக்குகிறார். கங்கா என்டர்டெயின்மென்ட்ஸ் சார்பில் மகேஷ்வர ரெட்டி மூலி இந்தப் படத்தைத் தயாரிக்கிறார். கங்கா என்டர்டெயின்மென்ட்ஸ் தயாரிக்கும் இரண்டாவது படம் "ஓ சுகுமாரி".
சூப்பர் ஹிட்டான 'சங்க்ராந்திக்கு வஸ்துன்னம்' படத்திற்குப் பிறகு ஐஸ்வர்யா ராஜேஷ் தெலுங்கில் கதாநாயகியாக நடிக்கும் படம் இது. விமர்சக ரீதியாகப் பாராட்டப்பட்ட 'சிவம் பஜே' மூலம் ரசிகர்களைக் கவர்ந்த கங்கா என்டர்டெயின்மென்ட்ஸ், "ஓ சுகுமாரி" என்ற இந்தப் புதிய படத்தின் மூலம், இயக்குநர் பரத் தர்ஷன் எழுதிய அழகான கதையை வெள்ளித்திரைக்குக் கொண்டு வருகிறது. படத்தின் பிரம்மாண்டமான தொடக்க விழா சமீபத்தில் ஹைதராபாத்தில் நடைபெற்றது. இது ஒரு பக்கா என்டர்டெயினராக உருவாகி வருவதாகக் கூறப்படுகிறது.
Related Articles
பான் இந்தியா படத்தில் ஐஸ்வர்யா ராஜேஷ்
ஆழமான மற்றும் வலுவான திரைக்கதைகளைத் தேர்ந்தெடுப்பதில் பெயர் பெற்ற திரு வீர், இந்தப் படத்தின் மூலமும் தனது பயணத்தைத் தொடர்கிறார். விமர்சன ரீதியாகப் பாராட்டப்பட்ட "மசூதா" முதல் சமீபத்திய ஹிட்டான "ப்ரீ வெட்டிங் ஷோ" வரை பலதரப்பட்ட படங்களில் நடித்த திரு வீர், 'ஓ சுகுமாரி' மூலமும் ரசிகர்களுக்குப் புதிய அனுபவத்தை வழங்குவார் என எதிர்பார்க்கப்படுகிறது. கடந்த மாதம் 19-ம் தேதி முதல் படத்தின் படப்பிடிப்பு தொடங்கியுள்ளது. இப்படம் தெலுங்கு, கன்னடம், தமிழ், மலையாளம் மற்றும் இந்தி ஆகிய மொழிகளில் வெளியிடப்படும்.
இப்படத்திற்கு ஒளிப்பதிவு: சி.எச். குஷேந்தர், இசை அமைப்பாளர்: பரத் மன்சிராஜு, கலை இயக்கம்: திருமலை எம். திருப்பதி, எடிட்டர்: ஸ்ரீ வரபிரசாத், ஆடை வடிவமைப்பாளர்: அனு ரெட்டி அக்கட்டி, பாடலாசிரியர்: பூர்ணாச்சாரி, சண்டை இயக்கம் - விங் சுன் அஞ்சி. இப்படமும் ஐஸ்வர்யா ராஜேஷுக்கு மிகப்பெரிய வெற்றிப்படமாக அமையும் என எதிர்பார்க்கப்படுகிறது.
