நடிகர் விமலின் 34-வது திரைப்படமான ‘பரமசிவன் பாத்திமா’ படத்தின் ரிலீஸ் தேதியை படக்குழுவினர் அறிவித்துள்ளனர்.
விமல் நடித்துள்ள ‘பரமசிவன் பாத்திமா’
தமிழ் திரையுலகில் முன்னணி நாயகனாக வலம் வந்து கொண்டிருப்பவர் விமல். இவர் தற்போது தனது 34-வது திரைப்படமான ‘பரமசிவன் பாத்திமா’ படத்தில் நடித்து முடித்துள்ளார். இந்த படத்தை இயக்குனர் இசக்கி கர்வண்ணன் என்பவர் இயக்கியுள்ளார். இசக்கி கர்வண்ணன் இதற்கு முன்பாக ‘குடிமகன்’, ‘பெட்டிக்கடை’, ‘பகிரி’ ஆகிய திரைப்படங்களை இயக்கியுள்ளார்.
‘பரமசிவன் பாத்திமா’ படத்தின் கதைக்களம்
தற்போது விமல் மற்றும் சாயாதேவியை வைத்து ‘பரமசிவன் பாத்திமா’ படத்தை இயக்கி முடித்துள்ளார். ஒரு மலைக் கிராமத்தில் இரு வேறு மதத்தினரால் ஏற்படும் மத சண்டை குறித்து பேசக்கூடிய திரைப்படமாக இந்த படம் அமைந்துள்ளது. இரு வேறு மதத்தைச் சேர்ந்த விமல் மற்றும் சாயாதேவி இருவரும் காதலிக்கின்றனர். அவர்களின் காதலால் கிராமத்தில் ஏற்படும் பிரச்சனைகள் குறித்து இந்த படம் பேசுகிறது. படத்தின் டிரெய்லர் சமீபத்தில் வெளியாகி நல்ல வரவேற்பை பெற்றிருந்தது.
‘தக் லைஃப்’ படத்துடன் மோதும் விமல் படம்
Related Articles
இந்தப் படத்தில் எம்.எஸ். பாஸ்கர், ஸ்ரீ ரஞ்சனி, கூல் சுரேஷ், காதல் சுகுமார், அதிரா, அருள் தாஸ் உள்ளிட்ட பலர் நடித்துள்ளனர். தீபன் சக்கரவர்த்தி படத்திற்கு இசையமைத்துள்ளார். படம் வருகிற ஜூன் 5-ம் தேதி வெளியாகும் என்று படக்குழுவினர் அறிவித்துள்ளனர். ஜூன் 5-ம் தேதி மணிரத்னம் இயக்கத்தில் கமலஹாசன் நடித்துள்ள ‘தக் லைஃப்’ திரைப்படம் வெளியாகியுள்ள நிலையில், அந்தப் படத்துடன் மோதும் வகையில் ‘பரமசிவன் பாத்திமா’ படத்தின் ரிலீஸ் தேதியை படக்குழுவினர் அறிவித்துள்ளனர்.
