அமெரிக்காவில் இருந்து நேரடியாக மெரினா சென்ற நடிகர் விஜய்… கருணாநிதி நினைவிடத்தில் கண்ணீர் அஞ்சலி !!
அமெரிக்காவில் இருந்து நேரடியாக மெரினா சென்ற நடிகர் விஜய்… கருணாநிதி நினைவிடத்தில் கண்ணீர் அஞ்சலி !!
உடல் நலக்குறைவு காரணமாக சென்னை காவேரி மருத்துவமனையில் அனுமதிக்கப்பட்டிருந்த திமுக தலைவர் கருணாநிதியின் உடல் நலம் குறித்து நடிகர் விஜய் நேரில் சென்று ஸ்டாலினிடம் விசாரித்தார். பின்னர் அவர் சர்கார் படப்பிடிப்புக்காக அமெரிக்கா சென்று விட்டார்.
இந்நிலையில்தான் கடந்த வாரம் கருணாநிதி மரணமடைந்தார். அவரது உடலுக்கு நடிகர் விஜயின் தந்தை எஸ்.ஏ.சந்திரசேகர், மனைவி சங்கீதா ஆகியோர் நேரில் சென்று மலர் வளையம் வைத்து அஞ்சலி செலுத்தினர்.
.இந்த நிலையில், இன்று அதிகாலை படப்பிடிப்பு முடிந்து அமெரிக்காவில் இருந்து நடிகர் விஜய் தமிழகம் திரும்பினார். இதையடுத்து காலை 4 மணியளவில் கருணாநிதி நினைவிடத்தில் நடிகர் விஜய் அஞ்சலி செலுத்தினார்.
அந்த அதிகாலை நேரத்திலும் சென்னை மெரினா கடற்கரையில் அமைந்துள்ள தி.மு.க. தலைவர் கருணாநிதியின் சமாதிக்கு அஞ்சலி செலுத்த தி.மு.க. தொண்டர்கள் மற்றும் பொதுமக்கள் குவிந்திருந்தனர்.
நேற்று விடுமுறை தினம் என்பதால், கருணாநிதி நினைவிடத்தில் அஞ்சலி செலுத்த பொதுமக்கள் கூட்டம் அலைமோதியது