இன்ஜினியராக இருந்து விவசாயியாக மாறிய நபர்.. சில ஆண்டுகளிலேயே கோடீஸ்வரராக மாறியது எப்படி?
ஜூனியர் இன்ஜினியர் வேலையை விட்டுவிட்டு ராஜஸ்தானின் ஜெய்சால்மரில் உள்ள தனது கிராமத்தில் கற்றாழை வளர்க்கத் தொடங்கினார்.
 )
Followகற்றாழை என்பது ஆரோக்கியத்திற்கும் அழகுக்கும் பல பயன்களையும் நன்மைகளையும் கொண்ட ஒரு தாவரமாகும். வறண்ட பகுதிகளில் குறைந்த நீர் மற்றும் கவனிப்புடன் நன்கு வளரக்கூடிய செடியாகவும் இது கருதப்படுகிறது. இந்தியாவை பொறுத்தவரை பல விவசாயிகள் கற்றாழை விவசாயத்தை வருமானம் ஈட்டுவதற்கும் தங்கள் வாழ்க்கையை மேம்படுத்துவதற்கும் ஒரு வழியாக தேர்வு செய்கிறார்கள். அப்படிப்பட்ட ஒரு விவசாயிதான் ஹரிஷ் தாண்டேவ், அவர் தனது ஜூனியர் இன்ஜினியர் வேலையை விட்டுவிட்டு ராஜஸ்தானின் ஜெய்சால்மரில் உள்ள தனது கிராமத்தில் கற்றாழை வளர்க்கத் தொடங்கினார். ஒரே ஆண்டில் நல்ல லாபம் சம்பாதித்த அவர் வெளிநாட்டு சந்தைகளுக்கு தனது கற்றாழையை விற்றார். அவரது வெற்றிக் கதையை இந்த பதிவில் பார்க்கலாம்.
பொறியியலாளராக இருந்து விவசாயியாக மாறிய ஹரிஷ்
ஹரிஷ் தாண்டேவ் ஜெய்சால்மர் நகராட்சியில் இளநிலை பொறியாளராக பணியாற்றி வந்தார். தன் வேலையை சிறப்பாக செய்தாலும், அவரின் மனதில் வேறு கனவு இருந்தது. ஆம். சொந்தமாக தொழில் செய்து, தொழிலதிபராக மாற வேண்டும் என்பதே அவரின் கனவும். கற்றாழையின் நன்மைகள் மற்றும் தேவைகளைப் பற்றி கேள்விப்பட்ட அவர், அதை தனது நிலத்தில் வளர்க்க முடிவு செய்தார். வேலையை விட்டுவிட்டு கிராமத்திற்குத் திரும்பினார். அவர் தனது 120 ஏக்கர் நிலத்தில் கற்றாழை பயிரிடத் தொடங்கினார்.
குறைந்த வட்டியில் வீட்டுக்கடன் வழங்கும் வங்கிகள் இவை தான்.. எவ்வளவு தெரியுமா?
ஹரிஷ் தன்தேவ் எந்த ஒரு பொதுவான கற்றாழை வகையையும் வளர்க்கவில்லை. அவர் பார்பி டெனிஸ் என்ற சிறப்பு வகையைத் தேர்ந்தெடுத்தார், இது மிகவும் விலை உயர்ந்தது, வெளிநாட்டு சந்தைகளில் பிரபலமானது. இது ஆடம்பர அழகுசாதனப் பொருட்களுக்கான மூலப்பொருளாகப் பயன்படுத்தப்படுகிறது. ஆன்லைன் தளத்திலிருந்து விதைகளைப் பெற்று தனது நிலத்தில் விதைத்தார். மூலிகைப் பொருட்களைத் தயாரிக்கும் முன்னணி இந்திய நிறுவனமான பதஞ்சலியுடன், அலோ வேராவின் அதிகாரப்பூர்வ சப்ளையராகவும் அவர் கூட்டு சேர்ந்தார். இது அவரது ஸ்டார்ட்அப் நிறுவனத்திற்கு பெரும் ஊக்கத்தை அளித்தது.வருமானமும் தாக்கமும் அளித்தது.
ஹரிஷ் தாண்டேவ் 80,000 கற்றாழை செடிகளுடன் தனது விவசாயத்தை தொடங்கினார், இப்போது அவை லட்சக்கணக்கில் உள்ளன. அவர் தற்போது தனது கற்றாழை தொழிலில் ஆண்டுக்கு 2 முதல் 3 கோடி ரூபாய் வரை சம்பாதிக்கிறார். மேலும் தனது கற்றாழையை ஹாங்காங், பிரேசில் மற்றும் அமெரிக்கா போன்ற நாடுகளுக்கு ஏற்றுமதி செய்கிறார், அந்த நாடுகளில் கற்றாழை அதிக விலைக்கு விற்கப்படுகிறது. ஜெய்சால்மர் அருகே நேச்சுரலோ அக்ரோ என்ற தனது சொந்த நிறுவனத்தையும் நிறுவியுள்ளார். அவர் தனது கிராமம் மற்றும் அருகிலுள்ள பகுதிகளில் பலருக்கு வேலை வாய்ப்புகளை உருவாக்கியுள்ளார்.
ராஜஸ்தானில் கற்றாழை வளர்ப்பின் மூலம் இளம் பொறியாளர் கோடீஸ்வர விவசாயியாக மாறியதற்கு ஹரிஷ் தாண்டேவ் ஒரு உதாரணம். கடின உழைப்பு, புதுமை, தொலைநோக்கு பார்வை இருந்தால் எதுவும் சாத்தியம் என்பதை நிரூபித்துள்ளார் ஹரிஷ். இந்திய இளைஞர்களுக்கு விவசாயம் ஒரு லாபகரமான மற்றும் பலன் தரும் தொழிலாக இருக்கும் என்பதையும் அவர் நிரூபித்துள்ளார்.
கோடிக்கணக்கில் சொத்து இருந்தும் மாற்றி யோசித்த ரோஹன்.. அவரின் சொத்து மதிப்பு எவ்வளவு தெரியுமா?
சேனலை கிளிக் செய்து பின்தொடரவும்
