Skoda Enyaq iV : பிரபல ஸ்கோடா நிறுவனம் டெல்லியில் நடைபெற்ற பாரத் மொபிலிட்டி குளோபல் எக்ஸ்போ 2024லில் தங்களது புதிய காரை முதல்முறையாக அறிமுகம் செய்தது.
டெல்லியில் நடைபெற்று வரும் பாரத் மொபிலிட்டி எக்ஸ்போ 2024ல் ஸ்கோடா நிறுவனம் தனது என்யாக் iV EV ஐ முதன்முறையாக இந்திய நாட்டிற்கு காட்சிப்படுத்தியுள்ளது. ஆடி, போர்ஸ் மற்றும் லம்போர்கினி போன்ற VW குரூப் பிராண்டுகளின் கார்கள் மற்றும் SUVகளை உள்ளடக்கிய அதிநவீன ICE மற்றும் EV மாடல்களின் தேர்வை தன்னிடம் இருப்பதாக ஸ்கோடா கூறுகிறது.
இந்திய சந்தையில் தனது முதல் எலக்ட்ரிக் காராக இந்த Enyaqஐ களமிறக்கவுள்ளது குறிப்பிடத்தக்கது. ஸ்கோடா இந்த ஆண்டு மார்ச் மாதத்தில் இந்த எலக்ட்ரிக் கிராஸ்ஓவரின் விலைகளை வெளியிடும் என்று எதிர்பார்க்கப்படுகிறது. இதில் 77kWh பேட்டரி மற்றும் இரட்டை மோட்டார்கள் (ஒவ்வொரு ஆக்சிலிலும் ஒன்று, AWD ஐ உருவகப்படுத்துகிறது) 265hp ஐ உருவாக்கும்.
பவர்ஃபுல் பேட்டரியுடன் புதிய Ola S1 X எலெக்ட்ரிக் ஸ்கூட்டர்! 8 வருசத்துல 80,000 கி.மீ. கேரண்டி!
பேட்டரி பேக் 125kW DC ஃபாஸ்ட் சார்ஜிங்கை ஆதரிக்கும் என்று கூறப்படுகிறது, மேலும் ஒருமுறை சார்ஜ் செய்தால் 513km (WLTP) செல்ல முடியும் என்றும் அந்நிறுவனம் தெரிவித்துள்ளது. Enyaq iV ஆனது VW குழுமத்தின் மின்சார MEB இயங்குதளத்தை அடிப்படையாகக் கொண்டு செயல்படும் ஒரு மாடர்ன் காராக இந்தியாவில் அறிமுகமாகவுள்ளது.
குறிப்பாக Volkswagen ID 4 மற்றும் Audi Q4 e-tron ஆகியவற்றின் அடிப்படையிலும் இது உள்ளது. இந்த புதிய ஸ்கோடா Enyaq ஸ்கோடா கோடியாக்கை விட சற்று சிறியது. இந்திய சந்தையில் மார்ச் மாத வாக்கில் அறிமுகமாகும் இந்த புதிய காரின் விலை சுமார் 60 முதல் 70 லட்சம் ரூபாய்க்குள் இருக்கும் என்று அறிவிக்கப்பட்டுள்ளது.
500 கிலோ லோடு தாங்கும் கோமாகியின் டிரைக் ஸ்கூட்டர்... இது டிவிஎஸ் எக்ஸ்எல்லையே ஓரங்கட்டும் போல...
